شام میں سینئر داعش رہنما ہلاک، ایک اور گرفتار

شامی حکام کی کامیاب کارروائی

دمشق (ڈیلی پاکستان آن لائن) شامی حکام نے اعلان کیا ہے کہ امریکی قیادت میں قائم عالمی اتحاد کے ساتھ مشترکہ کارروائی کے دوران داعش کے ایک سینئر رہنما کو ہلاک کر دیا گیا ہے، جب کہ اس سے چند گھنٹے قبل دمشق کے قریب ایک اور اہم داعش کمانڈر کو گرفتار کیا گیا تھا۔

یہ بھی پڑھیں: انتظار نہ کیا جائے۔۔۔ افغان طالبان رجیم نے چترال سے نکلنے والے دریائے کنڑ پر جلد از جلد ڈیم کی تعمیر شروع کرنے کا حکم دیدیا

سیکیورٹی آپریشن کی تفصیلات

شام کی وزارتِ داخلہ کے مطابق شامی سیکیورٹی اور انٹیلی جنس اداروں نے عالمی اتحاد کے تعاون سے ایک “انتہائی درست اور ہدفی سیکیورٹی آپریشن” انجام دیا۔ بیان میں کہا گیا کہ اس کارروائی کے نتیجے میں دہشت گرد محمد شہادہ، المعروف “ابو عمر شداد”، کو ہلاک کر دیا گیا، جو شام میں داعش کے نمایاں رہنماؤں میں شمار ہوتا تھا۔

یہ بھی پڑھیں: ائیر چیف مارشل ظہیر احمد بابر سدھو سے ایتھوپیا کی فضائیہ کے کمانڈر لیفٹیننٹ جنرل یلما مرداسا کی ملاقات

تعاون کا ثبوت

اے ایف پی کے مطابق وزارتِ داخلہ کا کہنا تھا کہ یہ آپریشن قومی سیکیورٹی اداروں اور بین الاقوامی شراکت داروں کے درمیان مؤثر تعاون کا واضح ثبوت ہے۔ اس سے قبل حکام نے بتایا تھا کہ بدھ کے روز دمشق میں داعش کے ایک اور رہنما طہٰ الزوبی، المعروف “ابو عمر طبیہ”، کو اس کے کئی ساتھیوں سمیت گرفتار کیا گیا۔

یہ بھی پڑھیں: مقبوضہ کشمیر سے خالصتان رہنماؤں کے قتل تک، دہشت گردی بھارت کی ریاستی حکمت عملی بن چکی، دنیا اصلی چہرہ دیکھ لے: خصوصی رپورٹ

حملے کے نتیجے میں نقصانات

واضح رہے کہ 13 دسمبر کو شام کے علاقے پالمیرا میں ہونے والے ایک حملے میں دو امریکی فوجی اور ایک امریکی شہری ہلاک ہو گئے تھے، جس کا الزام واشنگٹن نے داعش کے ایک اکیلے مسلح حملہ آور پر عائد کیا تھا۔ اس کے جواب میں امریکی افواج نے شام میں داعش کے متعدد ٹھکانوں پر فضائی حملے کیے۔

یہ بھی پڑھیں: بنوں میں سیکیورٹی فورسز اور قانون نافذ کرنے والے اداروں کا مشترکہ آپریشن، بھارتی پراکسی فتنۃ الخوارج کے 8 دہشت گرد ہلاک

داعش کے جنگجوؤں کا نقصان

شامی آبزرویٹری برائے انسانی حقوق کے مطابق ان حملوں میں داعش کے کم از کم پانچ جنگجو ہلاک ہوئے۔

بین الاقوامی اتحاد میں شمولیت

نومبر میں شامی صدر احمد الشراع کے دورۂ واشنگٹن کے دوران شام نے باضابطہ طور پر داعش کے خلاف امریکی قیادت میں قائم عالمی اتحاد میں شمولیت اختیار کی تھی۔