تنزانیہ کے پہاڑ پر ہیلی کاپٹر حادثہ، 5 افراد ہلاک

ہیلی کاپٹر حادثہ

ڈوڈوما (ڈیلی پاکستان آن لائن) تنزانیہ کے مشہور پہاڑ ماؤنٹ کلیمنجارو پر ایک ہیلی کاپٹر حادثے میں پانچ افراد ہلاک ہو گئے۔ ہیلی کاپٹر ایک میڈیکل ریسکیو مشن پر تھا۔

یہ بھی پڑھیں: صدر زرداری کو ہسپتال سے ڈسچارج کر دیا گیا

حادثے کی تفصیلات

سول ایوی ایشن اتھارٹی کے بیان کے مطابق ہیلی کاپٹر کلیمنجارو کے بارافو کیمپ کے قریب گر کر تباہ ہوا۔ مقامی اخبار موانانچی اور ایسٹ افریقہ ٹی وی نے کلیمنجارو ریجن کے پولیس سربراہ سائمن مائیگوا کے حوالے سے بتایا کہ ہیلی کاپٹر ایک بیمار کو ریسکیو کرنے کے لیے روانہ تھا۔

یہ بھی پڑھیں: پی ٹی وی انتظامیہ نے نئی حکومت کو خوش کرنے کے لیے فواد چوہدری کے نام کی تختی ہٹا دی، لیکن وزیراطلاعات عطا تارڑ کو پتہ چلا تو انہوں نے کیا کیا؟ فواد چوہدری بھی سراہنے پر مجبور

ہلاک شدگان کی شناخت

پولیس کے مطابق حادثے میں ایک گائیڈ، ایک ڈاکٹر، ہیلی کاپٹر کا پائلٹ اور دو غیر ملکی سیاح ہلاک ہوئے۔ غیر ملکی سیاحوں کی قومیت کے بارے میں فوری طور پر کوئی تفصیلات فراہم نہیں کی گئیں۔

حادثے کی تحقیقات

روئٹرز کے مطابق ہیلی کاپٹر 4,670 سے 4,700 میٹر کی بلندی پر حادثے کا شکار ہوا۔ واضح رہے کہ ماؤنٹ کلیمنجارو افریقہ کی بلند ترین چوٹی ہے، جس کی بلندی تقریباً 6,000 میٹر ہے، اور ہر سال تقریباً 50 ہزار سیاح اس پہاڑ کو سر کرنے کے لیے آتے ہیں۔ حادثے کی وجوہات جاننے کے لیے تحقیقات جاری ہیں۔