بجلی کمپنیوں میں نیٹ میٹرنگ کی نئی درخواستوں کی رجسٹریشن روکنے کے معاملے پر نیپرا نے سخت نوٹس لے لیا
نیپرا نے نیٹ میٹرنگ کی درخواستوں کی روک تھام پر نوٹس لیا
اسلام آباد(ڈیلی پاکستان آن لائن) بجلی کمپنیوں میں نیٹ میٹرنگ کی نئی درخواستوں کی رجسٹریشن روکنے کے معاملے پر نیپرا نے سخت نوٹس لے لیا ہے۔ نیپرا کے مطابق اتھارٹی کے مشاہدے میں آیا ہے کہ مختلف ڈسکوز میں نئی نیٹ میٹرنگ درخواستوں کی رجسٹریشن روک دی گئی ہے جو کہ ایک انتہائی تشویش ناک امر ہے۔
یہ بھی پڑھیں: کے ٹو کو سر کرنے کی مہم کے دوران پاکستانی کوہ پیما جاں بحق، غیر ملکیوں کو بحفاظت نکال لیا گیا
نیپرا کی ہدایات
نیپرا نے واضح کیا کہ نیٹ میٹرنگ کی درخواستیں روکنا مروجہ قوانین اور ضابطوں کی کھلی خلاف ورزی کے زمرے میں آتا ہے۔ اتھارٹی کی جانب سے کے الیکٹرک سمیت تمام ڈسکوز کو فوری احکامات جاری کر دیے گئے ہیں، جن کے تحت نیٹ میٹرنگ سے متعلق مکمل تفصیلات طلب کی گئی ہیں۔
معلومات کی فراہمی کی مدت
نیپرا نے ہدایت کی ہے کہ تمام ڈسکوز تین ورکنگ دنوں کے اندر اندر مطلوبہ معلومات فراہم کریں۔
