سعودی عرب میں پاکستانی ورکرز کی تنخواہ اور اوورٹائم سے متعلق بڑی پیش رفت

پاکستانی کارکنوں کے حقوق

ریاض (ڈیلی پاکستان آن لائن) سعودی عرب میں کام کرنے والے پاکستانی کارکنوں کے لیے بیورو آف امیگریشن اینڈ اوورسیز ایمپلائمنٹ نے کام کے اوقات، آرام، تنخواہ اور اوور ٹائم سے متعلق تفصیلی رہنما خطوط جاری کیے ہیں تاکہ بیرون ملک مقیم پاکستانی ورکرز کو ان کے حقوق سے آگاہ کیا جا سکے۔

یہ بھی پڑھیں: مشرق وسطیٰ میں حالات کشیدہ، امریکی بحری بیڑے کی آبنائے ہرمز میں آمد، ایران نے بھی فوجی مشقوں کا اعلان کر دیا

معیاری کام کے اوقات

بیورو کی جانب سے جاری کردہ معلومات کے مطابق سعودی عرب میں معیاری کام کے اوقات زیادہ سے زیادہ روزانہ آٹھ گھنٹے یا ہفتے میں 48 گھنٹے مقرر ہیں۔

یہ بھی پڑھیں: وفاقی کابینہ نے یوٹیلٹی اسٹورز کو تحلیل کرنے اور خصوصی اقتصادی زونز قانون 2012 میں ترمیم کی منظوری دے دی۔

آرام کا حق

ملازمین کو کام کے دوران لازمی آرام کا حق بھی حاصل ہے، تاہم ان پر کام کے نظم و ضبط کو برقرار رکھنے کی ذمہ داری بھی عائد ہوتی ہے۔

ہفتہ وار چھٹی

پالیسی کے تحت ہر ملازم کو ہفتے میں کم از کم ایک مکمل دن کی چھٹی دی جائے گی، جو کہ مسلسل چھ کام کے دنوں کے بعد فراہم کی جائے گی۔

عام طور پر یہ ہفتہ وار چھٹی جمعہ کے دن ہوگی، تاہم اگر کام کی نوعیت کے باعث جمعہ کو چھٹی دینا ممکن نہ ہو تو متبادل دن مقرر کیا جائے گا۔