امریکا کی پاکستان کو ریل انجن فراہمی اور معدنی وسائل میں تعاون کی پیشکش

امریکی انتظامیہ کی پاکستان کو پیشکش

اسلام آباد (ڈیلی پاکستان آن لائن) امریکی انتظامیہ نے پاکستان سے امریکی ساختہ لوکوموٹیوز (ریل انجن) کی فروخت اور ملک میں موجود معدنی وسائل کے حوالے سے تعاون کی پیشکش کی ہے۔

یہ بھی پڑھیں: فضا میں متعدد لڑاکا طیاروں کی پرواز، پاکستان نے بڑے حملے کی تیاری پکڑ لی ہے، ایوی ایشن صحافی کا دعویٰ

بات چیت کا پس منظر

سرکاری ذرائع کے مطابق بات چیت دو ماہ قبل وزیرِ خزانہ محمد اورنگزیب کے واشنگٹن دورے کے دوران بین الاقوامی مالیاتی فنڈ (آئی ایم ایف) کے سالانہ اجلاس کے موقع پر ہوئی۔

یہ بھی پڑھیں: لاپتہ افراد کا مسئلہ ہمیشہ کے لئے ختم کریں گے، ہمارا منشور دہشت گردی کو روکنا ہے، وزیراعلیٰ بلوچستان سرفراز بگٹی

امریکی تجارتی مفادات کا تحفظ

ذرائع نے بتایاکہ امریکی خصوصی معاونین ریمونڈ ایموری کاکس اور رکی گِل نے پاکستانی وفد سے ملاقاتوں میں امریکی تجارتی مفادات کے تحفظ کو ٹرمپ انتظامیہ کی ترجیح قرار دیا۔

یہ بھی پڑھیں: ریاض میں عرب رہنماؤں کا اجلاس: ٹرمپ کی واپسی سے امید اور غیر یقینی کے درمیان جھولتا مشرقِ وسطیٰ

لوکوموٹیوز کی خریداری کی درخواست

رکی گِل نے پاکستان سے امریکی لوکوموٹیوز کی خریداری کیلیے حمایت کی درخواست کی جس کیلیے پہلے ہی ٹینڈر جاری کیاجاچکاہے، چند سال قبل پاکستان نے امریکا سے 55 لوکوموٹیوز خریدے تھے۔

پاکستان ریلوے کی مالی مشکلات

پاکستان ریلویز اس وقت مالی مشکلات کا شکار ہے اور موجودہ لوکوموٹیوز کی مرمت اور بحالی پر انحصار کررہاہے، حال ہی میں 100 ڈیزل الیکٹرک لوکوموٹیوز کی مرمت کے منصوبے کی لاگت بڑھا کر 16 ارب روپے کر دی گئی۔