بزرگ خاتون کے اندھے قتل کا معمہ حل، داماد ہی مرکزی ملزم نکلا

معمہ حل: بزرگ خاتون کا اندھا قتل

لاہور (ویب ڈیسک) بزرگ خاتون کے اندھے قتل کا معمہ حل کرلیا گیا، جس میں مقتولہ کا داماد ہی مرکزی ملزم نکلا۔

یہ بھی پڑھیں: سال 2025: لیسکو نے اربوں روپے سے توانائی کے ضیاع اور ترسیل کے منصوبے مکمل کیے

پولیس کی تحقیقات

پولیس کے مطابق رائیونڈ کے علاقے میں 62سالہ بزرگ خاتون رئیسہ بی بی کے اندھے قتل کا معاملہ حل ہوگیا۔ واقعے میں مقتولہ کا داماد ہی مرکزی ملزم ہے۔

یہ بھی پڑھیں: ملک بھر کے 127 میں سے 40 سیوریج نمونوں میں پولیو وائرس کی تصدیق

ڈی آئی جی کی مداخلت

ڈی آئی جی انویسٹی گیشن سید ذیشان رضا نے قتل کی واردات کا نوٹس لیا، جس کے بعد ایس پی انویسٹی گیشن صدر معظم علی کی سربراہی میں ملزم کی گرفتاری کے لیے ایک ٹیم تشکیل دی گئی۔ انچارج انویسٹی گیشن تھانہ رائیونڈ سٹی، جمشید عباس نے پولیس ٹیم کے ہمراہ کارروائی کر کے ملزم کو گرفتار کر لیا۔

یہ بھی پڑھیں: پی ٹی اے نے 16 بھارتی یوٹیوب نیوز چینلز بلاک کردیئے

ملزم کی گرفتاری

انچارج انویسٹی گیشن کے مطابق ملزم نے گھریلو لڑائی جھگڑے کی بنا پر اپنی ساس رئیسہ بی بی کو گلا دبا کر بے دردی سے قتل کر دیا۔ ملزم مقتولہ کے گھر میں رہائش پذیر تھا اور قتل کے بعد مقتولہ کی تدفین تک تمام کاموں میں پیش پیش رہا۔

پیشہ ورانہ مہارت اور جدید ٹیکنالوجی

پولیس کے مطابق ملزم کو پیشہ ورانہ مہارت اور جدید ٹیکنالوجی کی مدد سے گرفتار کیا گیا ہے، جسے مضبوط چالان ترتیب دے کر قرار واقعی سزا دلوائی جائے گی۔