بزرگ خاتون کے اندھے قتل کا معمہ حل، داماد ہی مرکزی ملزم نکلا

معمہ حل: بزرگ خاتون کا اندھا قتل

لاہور (ویب ڈیسک) بزرگ خاتون کے اندھے قتل کا معمہ حل کرلیا گیا، جس میں مقتولہ کا داماد ہی مرکزی ملزم نکلا۔

یہ بھی پڑھیں: چہرے سے ترے سیکھی گلابوں نے نزاکت۔۔۔

پولیس کی تحقیقات

پولیس کے مطابق رائیونڈ کے علاقے میں 62سالہ بزرگ خاتون رئیسہ بی بی کے اندھے قتل کا معاملہ حل ہوگیا۔ واقعے میں مقتولہ کا داماد ہی مرکزی ملزم ہے۔

یہ بھی پڑھیں: ملک کے مختلف شہروں میں مزید بارش اور برفباری، موسم دلفریب

ڈی آئی جی کی مداخلت

ڈی آئی جی انویسٹی گیشن سید ذیشان رضا نے قتل کی واردات کا نوٹس لیا، جس کے بعد ایس پی انویسٹی گیشن صدر معظم علی کی سربراہی میں ملزم کی گرفتاری کے لیے ایک ٹیم تشکیل دی گئی۔ انچارج انویسٹی گیشن تھانہ رائیونڈ سٹی، جمشید عباس نے پولیس ٹیم کے ہمراہ کارروائی کر کے ملزم کو گرفتار کر لیا۔

یہ بھی پڑھیں: امریکی سفارت خانہ کے 3رکنی وفد کی اڈیالہ جیل آمد

ملزم کی گرفتاری

انچارج انویسٹی گیشن کے مطابق ملزم نے گھریلو لڑائی جھگڑے کی بنا پر اپنی ساس رئیسہ بی بی کو گلا دبا کر بے دردی سے قتل کر دیا۔ ملزم مقتولہ کے گھر میں رہائش پذیر تھا اور قتل کے بعد مقتولہ کی تدفین تک تمام کاموں میں پیش پیش رہا۔

پیشہ ورانہ مہارت اور جدید ٹیکنالوجی

پولیس کے مطابق ملزم کو پیشہ ورانہ مہارت اور جدید ٹیکنالوجی کی مدد سے گرفتار کیا گیا ہے، جسے مضبوط چالان ترتیب دے کر قرار واقعی سزا دلوائی جائے گی۔