ہمت کارڈ کی تقسیم کا آغاز

صوبائی وزیر کی ہمت کارڈ کی تقسیم کا آغاز

لاہور (ڈیلی پاکستان آن لائن) صوبائی وزیر سوشل ویلفیئر و بیت المال سہیل شوکت بٹ نے کہا ہے کہ وزیر اعلیٰ پنجاب مریم نواز کی قیادت میں محکمہ سوشل ویلفیئر و بیت المال ریاست کی ماں جیسی عملی تصویر بن چکا ہے۔ آج سے ہمت کارڈ کی تقسیم کے عمل کا آغاز کر دیا گیا ہے۔ تحصیل کینٹ کے رہائشی محمد اعجاز، شوکت علی اور مبشر نظر کو ہمت کارڈ فراہم کیے گئے ہیں۔

یہ بھی پڑھیں: وزیر اعظم کی حجاج کرام کا معاملہ سعودی حکومت کے ساتھ اٹھانے کی یقین دہانی

ہمت کارڈ کی ترسیل کا عمل

یہ خیالات صوبائی وزیر سوشل ویلفیئر و بیت المال سہیل شوکت بٹ نے آج اپنے دفتر میں ہمت کارڈ کی تقسیم کے عمل کا باقاعدہ آغاز کرتے ہوئے کیے۔ انہوں نے کہا کہ صوبہ بھر کے تمام اضلاع میں وزیر اعلیٰ پنجاب مریم نواز کی ہمت کارڈ کی تقسیم و ترسیل کا عمل شروع ہو چکا ہے۔ محکمہ سوشل ویلفیئر کیمپ سائٹس کے ذریعے تمام اضلاع میں ہمت کارڈ کی تقسیم کی جا رہی ہے۔ وزیر اعلیٰ پنجاب مریم نواز کے اس خواب کو پوری دیانتداری اور ذمہ داری سے حقداروں کی دہلیز تک پہنچائیں گے۔