کروڑوں روپے کے سینکڑوں قیمتی موبائل فون بلوچستان سے کراچی اسمگل کرنے کے دوران پکڑے گئے

کراچی میں اسمگل شدہ موبائل فونز کی ضبطگی

کراچی (ویب ڈیسک) فیڈرل بورڈ آف ریونیو (ایف بی آر) کے ماتحت ادارے کسٹمز ڈیپارٹمنٹ نے 6 کروڑ 20 لاکھ روپے مالیت کے اسمگل شدہ موبائل فونز ضبط کرلیے۔

یہ بھی پڑھیں: ٹرمپ کی جنگی پالیسیوں سے ملک کو 44 ارب ڈالر کا نقصان اور پٹرول کی قیمت 4 ڈالر سے زائد ہو گئی ہے،امریکی ڈیموکریٹ سینیٹر چک شومر

کسٹمز کی کارروائی

ایف بی آر کے مطابق، کلکٹریٹ آف کسٹمز انفورسمنٹ کراچی کی اینٹی اسمگلنگ آرگنائزیشن نے جمعرات کی صبح خفیہ معلومات کی بنیاد پر ایک کارروائی میں تقریباً 6 کروڑ 20 لاکھ روپے مالیت کے اسمگل شدہ 803 موبائل فونز کی کھیپ پکڑ لی۔

یہ بھی پڑھیں: مالی سال کے ابتدائی 5ماہ میں پاکستان ریلوے کو ریکارڈ آمدن حاصل

خفیہ معلومات اور کارروائی کی تفصیلات

مصدقہ اطلاعات موصول ہونے پر کہ ایک مزدا ٹرک کے ذریعے بلوچستان سے کراچی اسمگل شدہ موبائل فونز منتقل کیے جا رہے تھے، اے ایس او کی ٹیموں نے فوری طور پر اہم مقامات پر سادہ کپڑوں میں ملبوس نفری تعینات کی۔ سکران روڈ کی جانب سے آنے والے مزدا ٹرک، رجسٹریشن نمبر این اے ایف -859 کو ہمدرد چیک پوسٹ پر روکا، جسے بعد ازاں تفصیلی جانچ کے لیے سی پی ایف گودام منتقل کیا گیا۔ یہاں تلاشی کے دوران گاڑی کے خفیہ خانوں سے مختلف برانڈز کے 803 موبائل فونز برآمد ہوئے۔

یہ بھی پڑھیں: راولپنڈی کی حدود میں فوڈ کنٹرولر اسلام آباد کیسے کارروائی کر سکتا ہے؟ اسلام آباد ہائیکورٹ کے ریمارکس، اختیارات کی تفصیلی رپورٹ طلب

ضبط شدہ فونز اور کیس کی مالیت

ایف بی آر کے مطابق برآمد ہونے والے فونز میں آئی فون، ویوو، گوگل پکسل، انفینکس اور اسپارک شامل ہیں۔ ضبط شدہ موبائل فونز کی مالیت تقریباً 6 کروڑ 20 لاکھ روپے ہے جبکہ مزدا گاڑی کی قیمت تقریباً دو کروڑ 50 لاکھ روپے لگائی گئی ہے۔ اس طرح کیس کی مجموعی مالیت تقریباً 8 کروڑ 70 لاکھ روپے بنتی ہے۔

قانونی کارروائی

ڈرائیور اور اس کے ہیلپر کو تحویل میں لے کر متعلقہ قوانین کے تحت ایف آئی آر درج کرکے مزید قانونی کارروائی عمل میں لائی جا رہی ہے۔