شکارپور میں باراتیوں کی بس پر فائرنگ، دلہا سمیت 3 افراد جاں بحق

شکارپور میں فائرنگ کا واقعہ

شکارپور (ڈیلی پاکستان آن لائن) شکارپور میں باراتیوں کی بس پر فائرنگ کے نتیجے میں دلہا سمیت 3 افراد جاں بحق ہو گئے۔

یہ بھی پڑھیں: رواں ماہ اور دسمبر میں بھی بارش کی کوئی امید نہیں، محکمہ موسمیات کی پیشگوئی

پولیس کی رپورٹ

نجی ٹی وی چینل جیو نیوز کے مطابق پولیس کا کہنا ہے کہ شکارپور میں قومی شاہراہ بائی پاس پر بارات کی بس پر فائرنگ کی گئی، جس کے نتیجے میں دلہا سمیت 3 افراد جان کی بازی ہار گئے۔

یہ بھی پڑھیں: اے آر رحمان کے بعد ان کی گٹارسٹ کی طلاق کی پوسٹ پر مداح حیران، طرح طرح کے تبصرے

مقتولین کی شناخت

پولیس حکام نے کہا ہے کہ جاں بحق ہونے والوں میں دلہا کا بھائی اور بس کا ڈرائیور بھی شامل ہیں۔ اس واقعے میں ایک خاتون بھی زخمی ہوئی ہے۔

واقعے کی وجوہات

پولیس کے مطابق بارات شکارپور شہر سے جیکب آباد جا رہی تھی، اور یہ واقعہ پرانی دشمنی کے باعث پیش آیا۔ حملہ آوروں کی گرفتاری کے لیے فوری اقدامات شروع کر دیے گئے ہیں۔