عثمان ہادی کا قتل انقلاب کا سبب بنے گا اور بھارت ٹکڑے ہوکر بکھرے گا” برطانیہ میں سکھ کمیونٹی کا بھارت کے خلاف مظاہرہ

برطانیہ میں سکھ کمیونٹی کا مظاہرہ

لندن (مانیٹرنگ ڈیسک) — "عثمان ہادی کا قتل انقلاب کا سبب بنے گا اور بھارت ٹکڑے ہوکر بکھرے گا"۔ برطانیہ میں سکھ کمیونٹی نے بنگلہ دیشی حکومت کے حق میں اور بھارت کے خلاف مظاہرہ کیا ہے۔

یہ بھی پڑھیں: گوجرخان اور گرد و نواح میں زلزلے کے جھٹکے

احتجاج کے مقاصد

’’جیو نیوز‘‘ کے مطابق، لندن میں سکھ کمیونٹی نے بنگلہ دیشی ہائی کمیشن کے باہر جمع ہوکر بھارت کے خلاف مظاہرہ کیا۔ مظاہرین نے کہا کہ "نوجوان طلباء رہنما عثمان ہادی کا قتل انقلاب کا سبب بنے گا اور بھارت ٹکڑے ہوکر بکھرے گا۔ مودی حکومت دنیا میں بھارت کا اصل چہرہ دکھانے والوں کے قتل میں ملوث ہے۔"

یہ بھی پڑھیں: صنعتی ماہرین نے سولر پینل کی قیمتوں میں اضافے کا اشارہ دے دیا

عثمان ہادی کی موت کا پس منظر

یاد رہے کہ چند روز قبل بنگلہ دیش میں حسینہ واجد حکومت کا تختہ الٹنے میں اہم کردار ادا کرنے والی طلبہ تحریک کے ترجمان عثمان ہادی کو نامعلوم مسلح افراد نے فائرنگ کا نشانہ بنایا تھا۔ وہ کچھ روز سنگاپور میں زیر علاج رہنے کے بعد انتقال کر گئے تھے۔

بنگلہ دیش میں مظاہرے

عثمان ہادی کے انتقال پر بنگلہ دیش میں بھی بھارتی ہائی کمیشن کے باہر ہزاروں کی تعداد میں افراد نے مظاہرہ کیا تھا۔