دیوار پر لکھا ہے الیکشن جلد نہیں ہوں گے، بلاول بھٹو

بلاول بھٹو کی انتخابات پر پیشگوئی

اسلام آباد(ڈیلی پاکستان آن لائن)چیئرمین پیپلزپارٹی بلاول بھٹو نے کہا ہے کہ دیوار پر لکھا ہے الیکشن جلد نہیں ہوں گے۔

یہ بھی پڑھیں: کمبوڈیا میں دو پاکستانی نوجوان مبینہ طورپر اغوا، جان کو شدید خطرہ

سندھ میں صحت کی بہتری

بلاول بھٹو نے کہا کہ سندھ میں صحت کی بہتر سہولیات ہیں، 18ویں ترمیم کے بعد سندھ میں صحت کے شعبے میں بہت کام ہوا ہے، شعبہ صحت میں سندھ حکومت کا کوئی مقابلہ نہیں کرسکتا۔

یہ بھی پڑھیں: ایران کے ساتھ کشیدگی کے دوران امریکی طیارہ بردار جہاز مشرقِ وسطیٰ پہنچ گیا

بچوں کی شرح اموات میں کمی

چیئرمین پیپلز پارٹی نے کہا کہ سندھ میں بچوں کی شرح اموات کم ہوئی ہے، بچوں کی زندگیاں بچانا اولین ترجیح ہے۔ دیگر صوبوں کا سندھ سے مقابلہ نہیں کیا جا سکتا، سندھ حکومت وہ کام کررہی ہے جو دوسرے صوبوں میں نہیں ہو رہے۔

یہ بھی پڑھیں: وفاقی بیورو کریسی کیلئے اہم خبر آ گئی

معاشی چیلنجز اور عوام کی خوشحالی

بلاول بھٹو زرداری نے کہا کہ پاکستان ابھی بھی معاشی مشکلات کا شکار ہے، ملکی معیشت کی ترقی کا تب پتہ چلے گا جب عام آدمی خوشحال ہوگا۔ ان کا کہنا تھا کہ عام عوام کی قوت خرید میں کمی آئی ہے۔

یہ بھی پڑھیں: حیدر آباد میں دفعہ 144 کے تحت پتنگ بازی پر 90 روز کے لیے پابندی عائد

ڈیفالٹ سے بچنے کی ضرورت

بلاول بھٹو نے کہا کہ کوئی شک نہیں کہ ملک ڈیفالٹ سے بچا ہے۔ ڈیفالٹ کا خطرہ ٹلنے کے بعد اب مزید معیشت کو بہتر کرنا ہوگا۔ پبلک پرائیویٹ پارٹنرشپ کے ذریعے عوام کو بہترین سہولیات دینا ممکن ہے۔

یہ بھی پڑھیں: کسی ایک ملک کی خودمختاری کی خلاف ورزی تمام ریاستوں کی اجتماعی سلامتی کے لیے براہِ راست خطرہ تصور ہوگی، خلیج تعاون کونسل

سیاسی جماعتوں کی ذمہ داری

انہوں نے کہا کہ کوئی ایک سیاسی جماعت ملک کو مسائل سے نہیں نکال سکتی۔ بینظیر بھٹو نے ہمیشہ مفاہمت کی بات کی، اور اپوزیشن کی جماعتوں کو بھی ذمہ داری کا مظاہرہ کرنا پڑے گا۔

یہ بھی پڑھیں: گیس کے نئے کنکشن لینے کے خواہشمندوں کے حوالے سے اہم فیصلہ

سیاسی مفاہمت کی ضرورت

بلاول بھٹو نے کہا کہ بے نظیر بھٹو کی برسی پر وفد بھیجنے پر نوازشریف کے شکرگزار ہیں، اور سیاسی مفاہمت کیلئے صدر زرداری کو اپنا کردار ادا کرنا پڑے گا۔

انتخابی اصلاحات کی ضرورت

بلاول بھٹو نے کہا کہ نئے الیکشن سے پہلے انتخابی اصلاحات کرنی ہوں گی، اور الیکشن کا ایسا نظام ہونا چاہئے جس پر تمام سیاسی جماعتوں کو اعتماد ہو۔ انہوں نے کہا کہ دیوار پر لکھا ہے الیکشن جلد نہیں ہوں گے۔