واشنگٹن میں بھارت کی شدید لابنگ کے باوجود اس بار پاکستان کو واضح سفارتی سبقت حاصل ہوئی، معروف برطانوی اخبار کی رپورٹ

پاکستان کی سفارتی کامیابی

لندن (ڈیلی پاکستان آن لائن) برطانوی اخبار دی ٹیلی گراف کی رپورٹ میں کہا گیا ہے کہ واشنگٹن میں بھارت کی شدید لابنگ کے باوجود اس بار پاکستان کو واضح سفارتی سبقت حاصل ہوئی۔

یہ بھی پڑھیں: مودی کی پانی کو ہتھیار بنانے کی دھمکی عالمی اصولوں کیخلاف ہے: پاکستان

ایبی گیٹ حملے کا اثر

رپورٹ میں کہا گیا ہے کہ ایبی گیٹ حملے کے ملزم شریف اللہ کی امریکا حوالگی ٹرمپ انتظامیہ سے پاکستان کے قریبی تعلقات کا بڑا ٹرننگ پوائنٹ بنی۔

یہ بھی پڑھیں: جب سے افغانستان میں افغان طالبان رجیم آئی، پاکستان میں دہشت گردی میں ساڑھے 8 ہزار شہادتیں ہوچکی ہیں،طارق فضل چودھری

صدر ٹرمپ کی تعریف

اخبار کے مطابق امریکی کانگریس سے خطاب میں صدر ٹرمپ نے دہشت گردی کے خلاف عملی تعاون پر پاکستان کا خصوصی شکریہ ادا کیا۔

یہ بھی پڑھیں: لاڑکانہ: ایک ہی خاندان کی 4 بچیاں تالاب میں ڈوب کر جاں بحق

پاکستان کی واضح سبقت

برطانوی اخبار کا کہنا ہے کہ واشنگٹن میں بھارت کی شدید لابنگ کے باوجود اس بار پاکستان کو واضح سفارتی سبقت حاصل ہوئی، وزیراعظم پاکستان اور فیلڈ مارشل عاصم منیر کو اوول آفس میں براہ راست رسائی ملی۔

خطے میں بڑھتا ہوا خطرہ

رپورٹ میں کہا گیا کہ پہلگام واقعے کے بعد خطے میں جنگ کا خطرہ حقیقی طور پر بڑھ گیا تھا، بھارت نے امریکی ثالثی کے امکان کو کھلے الفاظ میں مسترد کیا تھا جب کہ پاکستان نے ذمہ دارانہ رویہ اپنایا اور وائٹ ہاؤس کو غیر روایتی سفارتکاری سے ہینڈل کیا۔