2025 سفارتکاری کا سال، وزیراعظم کے 28 اور وزیر خارجہ کے 43 غیر ملکی دورے

پاکستان کا اہم سال: 2025

لاہور(ڈیلی پاکستان آن لائن) سال 2025 پاکستان کے لیے انتہائی اہم سال تھا اور اِس سال پاکستان کو دنیا بھر کے سفارتی میدانوں میں بہت اہمیت ملی، اس سال صدرِ مملکت آصف علی زرداری نے 5 غیر ملکی دورے کیے، وزیراعظم شہباز شریف نے 28 جبکہ نائب وزیراعظم و وزیرخارجہ اسحاق ڈار نے 43 غیر مُلکی دورے کیے۔

یہ بھی پڑھیں: 5 سالہ بچی کی لاش برآمد، جنسی تشدد کا نشانہ بنائے جانے کا انکشاف

سفارتی سرگرمیاں

نجی ٹی وی چینل دنیا نیوز کے مطابق سفارتی لحاظ سے یہ انتہائی اہم سال تھا جس میں پاکستان کو مشرقِ وسطیٰ امن عمل میں اہمیت ملی، دنیا کے مختلف ممالک نے پاکستان کے ساتھ اپنے سفارتی اور کاروباری تعلقات بڑھانے میں دلچسپی ظاہر کی۔

جنگِ مئی

26 مئی کو وزیراعظم شہباز شریف ایران، ترکیہ اور آذربائیجان کے دورے کیے جن میں فیلڈ مارشل عاصم منیر بھی ان کے ہمراہ تھے،ان دوروں کا مقصد پاک بھارت فوجی کشیدگی کے دوران ان ممالک کا شکریہ ادا کرنا تھا۔

پاک سعودی دفاعی معاہدہ

ستمبر کا مہینہ پاکستانی قیادت کے بیرونِ ملک دوروں کے اعتبار سے سب سے اہم رہا کیوں کیونکہ 17 ستمبر کو پاکستان اور سعودی عرب کے درمیان تاریخی دفاعی معاہدہ ہوا، جہاں وزیراعظم شہباز شریف کو سعودی فضاؤں میں پہنچنے کے بعد فضائی سلامی، توپوں کی سلامی اور گارڈ آف آنر دیا گیا۔

وائٹ ہاؤس میں ظہرانہ

ستمبر کے مہینے ہی میں نیویارک میں اقوام متحدہ جنرل اسمبلی کے اِجلاس میں وزیراعظم شہباز شریف اور نائب وزیراعظم اسحاق ڈار نے شرکت کی، جس کے بعد 26 ستمبر کو وزیراعظم اور آرمی چیف فیلڈ مارشل عاصم منیر کی امریکی صدر ڈونلڈ ٹرمپ سے ملاقات ہوئی۔ اس ملاقات سے قبل جون میں صدر ٹرمپ نے جنرل عاصم منیر کو وائٹ ہاؤس میں ظہرانے پر مدعو کیا تھا۔

یہ بھی پڑھیں: جوتوں کے ذریعے منشیات بیرون ملک سمگل کرنے کی کوشش ناکام

بین الاقوامی فورمز میں پاکستان کی نمائندگی

سال 2025 میں وزیراعظم محمد شہباز شریف اور نائب وزیراعظم و وزیر خارجہ سینیٹر محمد اسحاق ڈار نے متعدد اہم عالمی فورمز میں شرکت کر کے پاکستان کا مؤقف بین الاقوامی سطح پر پیش کیا۔ وزیراعظم شہباز شریف نے اقوام متحدہ کی جنرل اسمبلی کے 80ویں اجلاس میں شرکت کی، جہاں انہوں نے عالمی امن، مسئلہ کشمیر اور فلسطین سمیت اہم عالمی امور پر پاکستان کا نقطہ نظر بیان کیا۔

وزیراعظم نے شنگھائی تعاون تنظیم کے سربراہی اجلاس، اقتصادی تعاون تنظیم سمٹ، سعودی عرب میں فیوچر انویسٹمنٹ انیشی ایٹو فورم اور ترکمانستان میں اقوام متحدہ کے زیر اہتمام بین الاقوامی امن و غیر جانبداری فورم میں بھی پاکستان کی نمائندگی کی۔

نائب وزیراعظم و وزیر خارجہ کی سرگرمیاں

نائب وزیراعظم و وزیر خارجہ اسحاق ڈار نے اقوام متحدہ کے اجلاسوں کے علاوہ اسلامی تعاون تنظیم کے وزرائے خارجہ کے غیر معمولی اجلاس، شنگھائی تعاون تنظیم کے وزارتی و سربراہی سیشنز، متحدہ عرب امارات میں سر بنی یاس فورم اور دیگر علاقائی و عالمی سفارتی اجلاسوں میں شرکت کی۔

یہ بھی پڑھیں: معاشیات مستحکم، ٹیکس نظام، توانائی اور دیگر شعبوں میں اصلاحات لائی جا رہی ہیں: وزیر خزانہ

افغانستان کے حوالے سے اجلاس

افغانستان سے دہشتگردی کے خطرات سے نمٹنے کے لیے چین کی سربراہی میں پہلے سہ فریقی مذاکرات 21 مئی کو چین کی میزبانی میں ہوئے۔ اس سے قبل، اسی سال 19 اپریل کو نائب وزیراعظم و وزیرخارجہ اسحاق ڈار نے افغانستان کا دورہ کیا، جو پاکستان کی کسی اہم حکومتی شخصیت کا ایک طویل عرصے کے بعد دورہ تھا۔

20 اگست کو پاکستان، چین اور افغانستان کے درمیان سہ فریقی مذاکرات ایک بار پھر کابل میں ہوئے، جس میں سی پیک ٹو کو افغانستان تک توسیع دینے کی بات کی گئی۔

یہ بھی پڑھیں: ہائے پردیس !! پردیس میں جوان اکلوتا بیٹا فوت ہوگیا ، ماں نے سہرا، نوٹوں کے ہار ، گلاب کی پتیاں اور شیروانی بیٹے کی قبر پر رکھ دیں۔۔۔

وزیراعظم کے دورے اور اقتصادی تعاون

وزیراعظم شہباز شریف کے دورے بنیادی طور پر اقتصادی تعاون، علاقائی امن اور عالمی فورمز میں پاکستان کی نمائندگی پر مرکوز رہے۔ سعودی عرب اور آذربائیجان وہ ممالک ہیں جہاں وہ چار چار بار گئے، سال کا آغاز متحدہ عرب امارات کے دورے سے ہوا اور اختتام آذربائیجان میں کاپ 29 کانفرنس پر ہوا۔

سابقہ اور مستقبل کے دورے

وزیراعظم نے سال کا پہلا اہم دورہ یکم فروری 2025 کو متحدہ عرب امارات (دبئی) کا کیا، جہاں وہ ورلڈ گورنمنٹس سمٹ میں شریک ہوئے جبکہ 19 تا 22 مارچ 2025 کو سعودی عرب کا دورہ کیا۔ اسی طرح دیگر اہم دورے بھی کیے جن میں ملائیشیا، برطانیہ اور مصر شامل ہیں۔

یہ بھی پڑھیں: قاہرہ میں آخری دن گزار کے مجھے فرعونوں کے اصلی مسکن “الأقصر” جانا تھا، بڑے فرعونوں کے اصل مقبروں میں جا کر تاریخ کے اوارق کھنگالنے تھے۔

نائب وزیراعظم و وزیر خارجہ کی سفارتکاری

نائب وزیراعظم و وزیر خارجہ اسحاق ڈار کے زیادہ تر دورے سفارتی نوعیت کے تھے، جن میں او آئی سی، ایس سی او اور دیگر عالمی فورمز شامل رہے۔

عالمی رہنماؤں کے دورے

سال 2025 میں کئی عالمی رہنماؤں نے پاکستان کے دورے بھی کیے، جن میں ترکیہ کے صدر رجب طیب اردوان، ایران کے صدر مسعود پزشکیان، ملائیشیا کے وزیراعظم داتو سری ابراہیم، اور دیگر شامل تھے۔ دسمبر میں، انڈونیشیا کے صدر ابووسو بیانتو نے پاکستان کا دورہ کیا اور بات چیت ہوئی۔