مریم نواز کے خلاف نازیبا زبان کا استعمال مخصوص ذہنیت کی علامت ہے: سپیکر پنجاب اسمبلی

پنجاب اسمبلی کے سپیکر کا بیان

لاہور (ڈیلی پاکستان آن لائن) سپیکر پنجاب اسمبلی ملک احمد خان کا کہنا ہے کہ وزیر اعلیٰ پنجاب مریم نواز کے خلاف نازیبا زبان کا استعمال ایک مخصوص مائنڈ سیٹ کی علامت ہے۔

یہ بھی پڑھیں: سعودی عرب میں پاکستانی ورکرز کی تنخواہ اور اوورٹائم سے متعلق بڑی پیش رفت

پریس کانفرنس میں اہم نکات

روزنامہ جنگ کے مطابق لاہور میں پریس کانفرنس کرتے ہوئے انہوں نے کہا کہ جب بتایا گیا کہ سی ایم کے پی پنجاب اسمبلی میں آنا چاہتے ہیں تو خوشی ہوئی، لیکن آپ ایسے لوگوں کو لے کر ایوان میں آئے جن کے ہمارے پاس نام بھی نہیں تھے۔

یہ بھی پڑھیں: گینگ آف کالا چورز کے پارٹنر کارکنوں میں “مظلوم بچہ” بننے کی ناکام کوشش: عظمیٰ بخاری

دھکم پیل اور سیکیورٹی کے مسائل

ملک احمد خان نے کہا کہ جب ان کے نام لسٹوں میں چیک کیے گئے تو انہوں نے دھکے دینا شروع کر دیئے۔ سپیکر پنجاب اسمبلی نے وزیر اعلیٰ خیبر پختونخوا سہیل آفریدی کے دورۂ لاہور سے متعلق گفتگو میں کہا کہ پنجاب اسمبلی کا ہر فعل قانون کے تابع ہے۔

اجازت نامے کی ضرورت

انہوں نے کہا کہ اسمبلی میں آنے کے لیے اجازت نامے کی ضرورت یا کم از کم شناختی کارڈ ہونا لازمی ہے، سیکیورٹی کے معاملے کو کسی صورت نظر انداز نہیں کیا جاسکتا ہے۔