مشہور اینکر اور صحافی اقرار الحسن نے سیاسی جماعت بنانے کا اعلان کر دیا

اقرار الحسن کا سیاسی جماعت بنانے کا اعلان

لاہور (ویب ڈیسک) پاکستان کے معروف اینکر اور پروگرام میزبان اقرار الحسن نے سیاسی جماعت بنانے کا اعلان کیا ہے اور بتایا ہے کہ وہ 15 جنوری کو اپنی تحریک کے نام کا باقاعدہ اعلان کریں گے۔

یہ بھی پڑھیں: سلطان گولڈن نے دو نئے عالمی ریکارڈ اپنے نام کرلیے، 5 کروڑ روپے انعام کا اعلان

پنجاب کی سیاسی صورتحال پر روشنی

اقرار الحسن نے نوجوانوں سے خطاب کرتے ہوئے اپنے پیغام میں پنجاب کی سیاسی اور ترقیاتی صورتحال پر روشنی ڈالی۔ انہوں نے کہا کہ سابق وزیراعلیٰ شہباز شریف نے پنجاب کے لیے متعدد ترقیاتی کام انجام دیے جبکہ محسن نقوی نے بطور نگراں وزیراعلیٰ کئی انڈر پاسز تعمیر کروائے۔

Television host Iqrar ul Hassan has officially announced the formal launch of his own political party, marking his entry into national politics @iqrarulhassan pic.twitter.com/RS5SV3SnfD

— Murtaza Ali Shah (@MurtazaViews) December 29, 2025

یہ بھی پڑھیں: فحش ویڈیو بنانے کا سکینڈل؛ مدعیہ کا بیان تبدیل، مرکزی ملزم سے بھاری رقم لینے کا انکشاف

سیاسی جماعتوں کی اہمیت

انہوں نے یہ بھی کہا کہ پنجاب کی خوش قسمتی رہی ہے کہ وہاں آنے والے حکمرانوں میں سے مریم نواز سمیت ہر ایک نے کام کیا سوائے عثمان بزدار کے۔ سیاسی جماعتیں دکان نہیں ہوتیں کہ ایک شخص کے انتقال کے بعد کسی اور کو منتقل ہو جائیں بلکہ یہ مضبوط ادارے ہوتے ہیں۔

نئی سیاسی جماعت کا مقصد

اقرار الحسن نے یہ بھی اعلان کیا کہ وہ اور رجسٹریشن کے طریقہ کار کا باضابطہ اعلان کریں گے۔ انہوں نے کہا کہ ان کا مقصد ذاتی نظریات پیش کرنا نہیں بلکہ پاکستان میں نئی سیاسی جماعت کے قیام کے ذریعے مسائل کا حل پیش کرنا ہے۔