نوجوان پاکستان کا مستقبل ہیں، تعلیم وتحقیق پر مبنی ترقی ہی پائیدار ترقی ہے: وزیر اعلیٰ سندھ

وزیر اعلیٰ سندھ کا خطاب

لاڑکانہ (ڈیلی پاکستان آن لائن) وزیر اعلیٰ سندھ مراد علی شاہ نے کہا ہے کہ نوجوان پاکستان کا مستقبل ہیں، تعلیم وتحقیق پر مبنی ترقی ہی پائیدار ترقی ہے۔

یہ بھی پڑھیں: قوم شہدائے وطن کی عظیم قربانیوں کی ہمیشہ سے مقروض ہے اور رہے گی: محسن نقوی

بینظیر بھٹو کی وراثت

لاڑکانہ میں شہید بینظیر بھٹو میڈیکل یونیورسٹی کے کانووکیشن سے خطاب کرتے ہوئے وزیر اعلیٰ سندھ مراد علی شاہ نے کہا کہ بےنظیر بھٹو نے 1989 میں یونیورسٹی کا خواب دیکھا تھا جو 2009 میں مکمل ہوا۔ چانڈکا میڈیکل کالج کی بنیاد 1973 میں رکھی گئی تھی۔ چیئرمین پیپلز پارٹی کے مشکور ہیں جنہوں نے اپنی والدہ کے خواب کو پورا کیا۔ ڈاکٹرز کی کمٹمنٹ سے علاج ممکن ہے، صرف انفرا اسٹرکچر سے علاج ممکن نہیں۔ یہ ڈگری صرف آپ کی نہیں، ان مریضوں کی اُمید ہے جن کا آپ علاج کریں گے۔

تعلیم اور صحت کا اہم کردار

’’دنیا نیوز‘‘ کے مطابق وزیراعلیٰ سندھ سید مراد علی شاہ کا کہنا تھا کہ شہید بینظیر بھٹو نے خواتین کو بااختیار بنانے کیلئے اقدامات کئے۔ حکومت سندھ صحت اور تعلیم کے شعبے میں بہترین اقدامات کر رہی ہے۔ تعلیم کے بغیر کوئی معاشرہ ترقی نہیں کرسکتا۔ شعبۂ صحت میں اصلاحات جاری ہیں، نوجوان پاکستان کا مستقبل ہیں، تعلیم وتحقیق پر مبنی ترقی ہی پائیدار ترقی ہے۔