برطانیہ میں رواں برس کتنے زلزلے آئے؟ برٹش جیولوجیکل سروے رپورٹ جاری

برطانیہ میں زلزلوں کی تعداد

لندن (مانیٹرنگ ڈیسک) برطانیہ میں رواں برس کتنے زلزلے آئے؟ برٹش جیولوجیکل سروے کی رپورٹ جاری کر دی گئی ہے۔

یہ بھی پڑھیں: مشکوک پراپرٹیز کی رپورٹ طلب، جو افغان یا غیر ملکی کو پراپرٹی رینٹ پر دے گا تو بھرپور ایکشن ہوگا: وزیر اعلیٰ مریم نواز کی زیر صدارت اجلاس میں فیصلہ

زلزلوں کا ریکارڈ

تفصیلات کے مطابق برطانیہ میں رواں برس 300 سے زائد زلزلے ریکارڈ کیے گئے ہیں۔ برٹش جیولوجیکل سروے کی رپورٹ کے مطابق، 20 اکتوبر کو سکاٹ لینڈ کے علاقوں لاخ لیون اور کنروس میں دو بڑے زلزلے آئے۔

یہ بھی پڑھیں: وزیراعلیٰ کا راولپنڈی میں کتوں کے کاٹنے کے بڑھتے واقعات پر نوٹس، رپورٹ طلب کر لی

زلزلوں کی شدت اور تعداد

’’جنگ‘‘ نے سروے رپورٹ کے حوالے سے بتایا کہ 18 دسمبر 2025 تک مجموعی طور پر 309 زلزلے ریکارڈ کیے گئے ہیں، جن میں سے بڑے زلزلوں کی شدت 3.7 اور 3.6 رہی۔ اکتوبر سے دسمبر کے درمیان لاخ لیون میں 34 زلزلے محسوس کیے گئے جو کہ مغربی اسکاٹ لینڈ میں زلزلوں کے فعال علاقوں میں سے ایک ہے۔ لنکا شائر میں دسمبر میں دو معمولی زلزلے آئے، جن کی شدت 2.5 تھی۔

رپورٹ کی تفصیلات

رپورٹ کے مطابق، برطانیہ میں سال بھر میں 200 سے 300 زلزلے آتے ہیں، جن میں سے 20 سے 30 لوگ ہی محسوس کر پاتے ہیں۔ رواں برس 1,320 افراد نے زلزلوں کو محسوس کر کے اس کی اطلاع دی ہے۔ برطانیہ بھر میں 80 مانیٹرنگ اسٹیشنز کے ذریعے زلزلوں کو ریکارڈ کیا جاتا ہے۔