ترقی اتنی بری نہیں جیس طرح بتائی جاتی ہے، جان بوجھ کر ہمارے لیے ندامت والا ماحول بناتے ہیں، اگلی میٹنگ کے لیے میرا ہدف 45 فیصد ہوگا۔
ایک واقعہ کی یاد
مصنف: شہزاد احمد حمید
قسط: 394
یہ بھی پڑھیں: بریسٹ فیڈنگ نہ کرنے سے معیشت پر بوجھ بڑھ رہا ہے، وزیر مملکت برائے صحت
اجلاس کا آغاز
قصہ سخاوت اور شفقت کا؛ مجھے ایک واقعہ یاد آ گیا۔ ڈویثرن کے ڈویلپمنٹ منصوبوں کا جائزہ اجلاس ہر ماہ کمشنر کی سربراہی میں ہوتا تھا۔ جس میں تمام اضلاع کے ڈی سی اوز، ڈویلپمنٹ محکموں کے سربراہان شرکت کرتے۔ بہاول پور کے ضلعی ڈویلپمنٹ افسر رانا سخاوت کبھی میرے محکمے میں بطور پراجیکٹ منیجر خاں پور تعینات رہے تھے۔ ان کا سپرنٹندنٹ چوہدری شفقت تھا۔
یہ بھی پڑھیں: روس اور یوکرین کے درمیان 307 قیدیوں کا تبادلہ
اجلاس میں نے کیا سنا
جب بھی اجلاس شروع ہوتا کارروائی کا آغاز میرے محکمے سے کرتے حالانکہ دوسرے محکمہ جات کے پاس ہم سے کئی گنا زیادہ ترقیاتی بجٹ ہوتا تھا اور ان کی پراگرس بھی ہم سے کم ہی ہوتی تھی۔ عامر نے ایک میٹنگ سے پہلے مجھے کہا؛ "سر! رانا سخاوت کسی بات کی خار نکالتے ہیں اور جان بوجھ کر ہمارے لئے ندامت والا ماحول بناتے ہیں۔" میں نے آنے والی ماہانہ میٹنگ سے ایک دن پہلے عامر کو ساتھ لیا اور کمشنر کے کیمپ آفس چلا آیا۔ انہیں محکمے کے ترقیاتی منصوبوں کے حوالے سے کمشنر کو تفصیلاً بریف کیا اور درخواست کی؛ "سر! اگر کل کی میٹنگ کا آغاز آپ محکمہ شاہرات یا بلڈنگ کی کارگردگی سے شروع کریں تو شاید آپ بہتر اندازہ کر سکیں گے کہ ہماری پراگرس اتنی بری نہیں جیسی آپ کو بتائی جاتی تھی۔" انہوں نے حامی بھر لی۔
یہ بھی پڑھیں: چینی صدر 7 سے 10 مئی روس کا سرکاری دورہ کریں گے
اجلاس کا ردعمل
ابھی بات ختم ہی ہوئی تھی کہ دونوں حضرات (سخاوت اور شفقت) بھی آ گئے۔ میں نے کمشنر سے اجازت چاہی تو بولے نہیں آپ بیٹھیں۔ خیر یہ دونوں حضرات کمشنر کو ڈویلپمنٹ کے منصوبہ جات کے حوالے سے بریف کرتے رہے اور میری طرف اشارہ کرکے بولے؛ "ان کے ایکسین کی پراگرس کافی کمزور ہے۔ ڈائریکٹر صاحب آپ ضرور توجہ دیں۔" کمشنر مسکرائے اور میری طرف دیکھ کر خاموش رہے مگر میرے منہ سے بے ساختہ نکل گیا؛ "سر! یہ دونوں حضرات اپنے نام کے برعکس ہیں؛ رانا سخاوت سے کسی سخاوت کی اور چوہدری شفقت سے کسی شفقت کی امید بے وقوفی ہے۔" کمشنر ہنس دئیے اور کہنے لگے؛ "شہزاد صاحب! آپ نے کیا گہری بات کر دی ہے۔" دونوں حضرات کھسیانے ہو گئے اور وہاں سے چلے گئے۔ اب کھانے کا وقت ہو گیا تھا۔ کمشنر نے زبردستی کھانا کھلا کر ہی جانے کی اجازت دی۔
یہ بھی پڑھیں: اراکین اسمبلی، طاقتور طبقات، ججز، بیورو کریٹس، ایڈووکیٹ جنرل آفس اور اعلیٰ افسران کی تنخواہوں میں اضافہ کرتے رہنا قرین انصاف نہیں ہے۔
رانا سخاوت سے ملاقات
اگلے روز اجلاس سے قبل رانا سخاوت سے ملاقات ہو گئی۔ انہوں نے کل والے فقرے کا گلہ کرتے کہا؛ "آپ نے اچھا نہیں کیا۔" میں نے جواب دیا؛ "ازراہ مذاق کی گئی بات کو سنجیدہ نہیں لیا کرتے۔" اجلاس شروع ہوا۔ ڈائریکٹر ڈویلپمنٹ نے تعارفی کلمات کہے اور حسب روایت کہا؛ "پہلے بہاول پور ضلع سے آغاز کرتے ہیں۔ اوور ٹورانا سخاوت۔" حسب عادت اس نے بات شروع کی؛ "ڈائریکٹر لوکل گورنمنٹ اپنی پراگرس بتائیں۔" میرے بولنے سے پہلے کمشنر بولے؛ "رانا صاحب مجھے بتائیں کہ کس کس محکمے کے پاس کتنے کتنے ترقیاتی فنڈز ہیں۔" انہوں نے بتایا سب سے زیادہ محکمہ شاہرات کے پاس ہیں پھر بلڈنگ اور پھر مقامی حکومت اور پھر۔۔۔۔۔۔
یہ بھی پڑھیں: پنجاب میں 40 سال سے زیر التواء مقدمات نمٹانے کے لیے ماڈل کورٹس کے ججز نامزد
پراگراس اور نتائج
سخاوت کے پاس اور کوئی چارہ نہ تھا۔ ایس ای ہائی ویز (سپرنٹندنٹ انجینئر) نے بریفنگ شروع کی تو سرے سے پراگرس نہ ہونے کے برابر تھی۔ فنڈز کی utilization اگر میرا حافظہ ساتھ دے رہا ہے تو شاید دس فی صد تھی۔ ایسا ہی حال ایس ای بلڈنگ کا تھا۔ کمشنر جو عموماً دھیمے طبعیت کے تھے گھنٹہ بھر ان دونوں افسروں کی کلاس لیتے رہے اور نزلہ سخاوت اور اشرف پر بھی گرتا رہا۔ ان کے مقابلے ہماری پراگرس تقریباً 28 فی صد کے قریب تھی۔ عامر نے کہا؛ "اگلی میٹنگ کے لئے میرا ٹارگٹ 45 فی صد ہو گا۔" ڈی سی او بہاول پور ڈاکٹر نعیم رؤف کہنے لگے؛ "سر! میں ایکسین لوکل گورنمنٹ کی بات نہیں مانتا جب تک ڈائریکٹر بلدیات یقین نہ دلائیں کہ پراگرس 45 فی صد ہو گی۔" میری یقین دھانی پر وہ مطمئن ہو گئے۔ کمشنر نے اجلاس ختم کرتے کہا؛ "رانا سخاوت! نوٹ کر لیں آئندہ میٹنگ انہی 2 محکموں کی بریفنگ سے شروع ہو گئی۔ فنڈز ان کے پاس زیادہ ہیں اور پراگرس بہت کم۔ آپ اور ڈائریکٹر ڈویلپمنٹ فلیڈ وزٹ کے پروگرام بنائیں، مجھ سے منظوری لیں اور ڈائریکٹر بلدیات کی پیروی میں ہفتہ میں کم از کم 3 دن منصوبوں کا خود جائزہ لیں۔" (جاری ہے)
نوٹ
یہ کتاب "بک ہوم" نے شائع کی ہے (جملہ حقوق محفوظ ہیں) ادارے کا مصنف کی آراء سے متفق ہونا ضروری نہیں۔
