وزیراعلیٰ خیبرپختونخوا کی آمد پر ہنگامہ آرائی، پنجاب اسمبلی کی انکوائری کمیٹی نے رپورٹ جمع کرادی
پنجاب اسمبلی کی انکوائری کمیٹی کی رپورٹ
لاہور (ڈیلی پاکستان آن لائن) پنجاب اسمبلی انکوائری کمیٹی نے وزیراعلیٰ خیبرپختونخوا کی آمد پر ہونے والے ہنگامے سے متعلق رپورٹ جمع کرادی۔
یہ بھی پڑھیں: پاکستان سے مزدوری کیلئے تھائی لینڈ جانے والا شہری اغواء
ہنگامے کی تفصیلات
رپورٹ کے مطابق مطیع اللہ برکی نامی شخص رکن خیبرپختونخوا اسمبلی بن کر اسمبلی میں داخل ہوا، سیکیورٹی اسٹاف نے باہر نکالنے کی کوشش کی تو ہنگامہ کھڑا کر دیا گیا۔ پنجاب اسمبلی کے سیکیورٹی اسسٹنٹ اعزاز رضا کی وردی پھاڑ دی گئی، سیکیورٹی اہلکاروں نے صورتحال کو پیشہ ورانہ طریقے سے سنبھالا۔ اسمبلی سیکرٹریٹ نے موقع پر موجود اسمبلی سیکیورٹی کے بیانات بھی قلم بند کئے۔
قانونی کارروائی کی تجویز
رپورٹ میں ہلڑ بازی میں ملوث اشخاص کے خلاف قانونی کارروائی کرنے اور معاملے کی تفتیش میں قانون نافذ کرنے والے اداروں کی مدد لینے کی تجویز بھی دی گئی ہے۔
