2025 میں حوالہ ہنڈی اور کرنسی کی غیر قانونی ایکسچینج میں ملوث عناصر کے خلاف 523 چھاپہ مار کارروائیوں میں 667 ملزمان گرفتار

ایف آئی اے کی کارروائیاں

اسلام آباد (ڈیلی پاکستان آن لائن) ایف آئی اے کا حوالہ ہنڈی اور غیر قانونی کرنسی ایکسچینج میں ملوث عناصر کے خلاف کریک ڈاون جاری ہے۔ سال 2025 کے دوران حوالہ ہنڈی اور کرنسی کی غیر قانونی ایکسچینج میں ملوث عناصر کے خلاف 523 چھاپہ مار کاروائیاں کی گئیں، 546 مقدمات درج کر کے 667 ملزمان کو گرفتار کیا گیا جبکہ 174 انکوئریوں کی تفتیش بھی مکمل کی گئی۔

یہ بھی پڑھیں: وفاق اور صوبوں کے درمیان وسائل کی تقسیم کے لیے قومی مالیاتی کمیشن کا اجلاس آج ہوگا۔

برآمد شدہ کرنسی کی تفصیلات

ترجمان ایف آئی اے کے مطابق رواں سال چھاپوں کے دوران مجموعی طور پر 1 ارب 99 کروڑ روپے سے زائد مالیت کی ملکی و غیر ملکی کرنسی برآمد کی گئی، برآمد کی گئی کرنسی میں 777868 امریکی ڈالر، 32 کروڑ روپے سے زائد مالیت کی دیگر غیر ملکی کرنسی شامل، برآمد کی گئی کرنسی میں 1 ارب 45 کروڑ سے زائد پاکستانی روپے بھی شامل ہیں۔

یہ بھی پڑھیں: عبدالرزاق جامی کی بیٹوں کے ہمراہ پرنسپل سیکرٹری اور ایڈوائزر ٹو پرائم منسٹر ڈاکٹر سید توقیر شاہ سے ملاقات

زون کے اعتبار سے گرفتاریوں کی رپورٹ

رواں سال کے دوران کے پشاور زون نے 199, کوہاٹ زون نے 63, لاہور زون نے 58, فیصل آباد زون نے 15, ملتان زون نے 70 ملزمان کو گرفتار کیا۔ اسلام آباد زون نے 22, کراچی زون نے 101, حیدرآباد زون نے 14 اور بلوچستان زون نے 120 ملزمان کو گرفتار کیا۔ گرفتار ملزمان بغیر لائسنس کرنسی کی ایکسچینج میں ملوث تھے۔

چھاپوں اور کارروائیوں کا اثر

ملک گیر چھاپوں کے دوران متعدد پلازوں، مارکیٹوں اور دکانوں کو بھی سیل کیا گیا۔