ملتان ٹیسٹ: دوسرے روز کا اختتام، انگلینڈ کا پاکستان کے 556 رنز کے جواب میں 96 رنز بنانا

ٹیسٹ میچ کا دوسرا دن

ملتان(ڈیلی پاکستان آن لائن) پاکستان اور انگلینڈ کے درمیان پہلے ٹیسٹ میچ میں دوسرے دن کا کھیل ختم ہوگیا، انگلش ٹیم نے پاکستان کی پہلی اننگز کے 556 رنز کے جواب میں 96 رنز بنا لیے۔

یہ بھی پڑھیں: امریکی انتخابات، مختلف مسالک کے کئی علما اور پیش اماموں نے ڈونلڈ ٹرمپ کی توثیق کردی

پہلی اننگز کی صورتحال

ملتان ٹیسٹ کے دوسرے روز قومی ٹیم انگلینڈ کے خلاف 556 رنز بنا کر آؤٹ ہوئی۔ انگلش ٹیم بیٹنگ کرنے آئی تو اس کا آغاز مایوس کن رہا، اور اس کی پہلی وکٹ 4 رنز پر گر گئی۔ انگلش بیٹر اولی پاپ صفر پر نسیم شاہ کا شکار ہوئے۔

یہ بھی پڑھیں: دھی رانی نے پنجاب اور کاشتکار کا سر بلند کر دیا، آڑھتی کے جبر سے بچ گئے: بزرگ کاشتکار

زیک کرالی اور جو روٹ کی شاندار بیٹنگ

ایک وکٹ گرنے کے بعد زیک کرالی اور جو روٹ نے ذمہ دارانہ بیٹنگ کا مظاہرہ کیا اور دوسرے دن کا کھیل ختم ہونے تک کریز پر موجود رہے۔ دوسرے دن کھیل کے اختتام پر انگلش ٹیم نے ایک وکٹ پر 96 رنز اسکور کیے، زیک کرالی 64 اور جو روٹ 32 رنز پر ناٹ آؤٹ ہیں۔ واضح رہے کہ پاکستان اور انگلینڈ کے درمیان پہلا ٹیسٹ ملتان سٹیڈیم میں ہو رہا ہے۔

یہ بھی پڑھیں: دنیا کے آلودہ ترین شہروں میں لاہور کا پہلا نمبر، سینئر صوبائی وزیر مریم اورنگزیب کا اہم بیان

پہلا دن کا جائزہ

گزشتہ روز شان مسعود نے انگلینڈ کے خلاف ٹاس جیت کر پہلے بیٹنگ کا فیصلہ کیا تھا۔ میچ کے پہلے دن کے اختتام پر پاکستان نے شان مسعود اور عبداللہ شفیق کی شاندار سنچریوں کی بدولت 4 وکٹ کے نقصان پر 328 رنز بنا لیے تھے۔

یہ بھی پڑھیں: ذیابیطس: دل کے دوروں، فالج اور پاوں کے کٹنے کا اہم سبب ‘شوگر’ کیا ہے اور اس سے کیسے بچا جا سکتا ہے؟

دوسرے دن کی کارکردگی

میچ کے دوسرے روز سعود شکیل اور نسیم شاہ نے کھیل کا آغاز کیا، تو نسیم شاہ 388 کے سکور پر 33 رنز بنا کر پویلین لوٹ گئے جبکہ محمد رضوان بغیر کوئی رن بنائے آؤٹ ہوگئے۔ قومی ٹیم کی ساتویں وکٹ 450 کے مجموعی اسکور پر سعود شکیل کی صورت میں گری، جو 177 گیندوں پر 82 رنز بنا کر کیچ آؤٹ ہوئے۔

سلمان آغا کی کامیابی

سعود شکیل کے بعد آنے والے عامر جمال 7 رنز، شاہین آفریدی 26 رنز اور پھر ابرار احمد 3 بنا کر پویلین لوٹ گئے۔ اس دوران قومی کرکٹر سلمان آغا نے ٹیسٹ کرکٹ میں ایک ہزار رنز مکمل کر لیے ہیں۔ سلمان آغا نے 15 ویں ٹیسٹ کی 28 ویں اننگز میں ایک ہزار رنز مکمل کیے اور 104 رنز بنا کر ناٹ آؤٹ رہے۔ پاکستان نے انگلینڈ کے خلاف پہلی اننگز میں 556 رنز سکور کیے۔