اگر ایران جوہری پروگرام دوبارہ تعمیر کرنے کی کوشش کرتا ہے تو امریکہ ایک بار پھر حملہ کرے گا، ٹرمپ

امریکہ کی ایرانی جوہری پروگرام پر تنبیہ

واشنگٹن (ڈیلی پاکستان آن لائن) امریکی صدر ڈونلڈ ٹرمپ نے خبردار کیا ہے کہ اگر ایران اپنے جوہری پروگرام کو دوبارہ تعمیر کرنے کی کوشش کرتا ہے تو امریکہ ایک بار پھر فوری طور پر حملہ کرے گا۔

یہ بھی پڑھیں: مہنگائی کی ہفتہ وار شرح میں 1.92 فیصد کی مزید کمی، سالانہ شرح منفی 3.52 فیصد ہوگئی

ٹرمپ کا بیان

خبر ایجنسی روئٹرز کے مطابق فلوریڈا میں اپنے مار-اے-لاگو اسٹیٹ پر اسرائیلی وزیرِاعظم بنیامین نیتن یاہو کا استقبال کرتے ہوئے صحافیوں سے گفتگو میں ٹرمپ نے کہا “میں سن رہا ہوں کہ ایران دوبارہ تعمیر کی کوشش کر رہا ہے، اور اگر وہ ایسا کر رہے ہیں تو ہمیں انہیں پھر سے گرا دینا ہوگا۔”

یہ بھی پڑھیں: آپ نے نہ کہہ کر بھی سب کچھ کہہ دیا ہے، سرکاری وکلا کے لیے بھی مسنگ پرسنز کے مقدمے کا دفاع کرنا بہت مشکل ہے، جسٹس محسن اختر کیانی کا وکیل درخواست گزار سے مکالمہ

سخت زبان کا استعمال

ٹرمپ نے سخت زبان استعمال کرتے ہوئے مزید کہا “ہم انہیں بری طرح نشانہ بنائیں گے۔”

مذاکرات کی امید

تاہم امریکی صدر نے یہ بھی کہا کہ وہ اب بھی ایران کے ساتھ کسی ممکنہ “ڈیل” پر مذاکرات کے لیے تیار ہیں۔