نئے سال کے موقع پر پٹرولیم مصنوعات کی قیمتوں میں 10 روپے 60 پیسے فی لیٹر کمی متوقع

پٹرولیم مصنوعات کی قیمتوں میں کمی کا امکان

اسلام آباد(ڈیلی پاکستان آن لائن) نئے سال کے موقع پر پٹرولیم مصنوعات کی قیمتوں میں 10 روپے 60 پیسے فی لیٹر تک کمی کا امکان ہے۔

یہ بھی پڑھیں: پنجاب بیت المال کونسل کا پہلا اجلاس ،فلاحی منصوبے “بے روزگاری سے خوشحالی تک” کے قیام کی منظوری

قیمتوں میں متوقع تبدیلیاں

نجی ٹی وی سما نیوز کے مطابق، پٹرولیم مصنوعات کی قیمتوں میں 10 روپے 60 پیسے فی لیٹر تک کمی کا امکان ہے۔ پٹرولیم مصنوعات کی قیمتوں کا ابتدائی ورکنگ پیپر تیار کر لیا گیا ہے۔

یہ بھی پڑھیں: پاکستان کا سب سے طویل پلیٹ فارم روہڑی اسٹیشن جبکہ دنیا کا سب سے لمبا پلیٹ فارم بھارتی شہر گورکھ پور کا ہے جسکی لمبائی روہڑی سے دو گنا زیادہ ہے۔

وزارت خزانہ کی رپورٹ

ذرائع وزارت خزانہ کے مطابق، پٹرول کی قیمت میں یکم جنوری سے 10 روپے 60 پیسے فی لیٹریکمی تجویز کی گئی ہے۔ اس کے علاوہ، ہائی سپیڈ ڈیزل کی قیمت میں 8 روپے 59 پیسے فی لیٹر کمی کی تجویز دی گئی ہے۔ مٹی کے تیل کی قیمت میں 9 روپے فی لیٹر کمی اور لائٹ ڈیزل کی قیمت میں 6 روپے 62 پیسے فی لیٹر کمی کی بھی تجویز کی گئی ہے۔

حکومتی فیصلہ

اوگرا کل ورکنگ پیپر حکومت کو بھیجا جائے گا۔ حکومت اپنی ریونیو ضروریات مدنظر رکھتے ہوئے فیصلہ کرے گی۔ وزارت خزانہ وزیراعظم کی منظوری کے بعد فیصلہ کرے گی، اور حتمی نوٹیفکیشن وزارت پٹرولیم سے جاری کیا جائے گا۔ اگر حکومت نے لیوی یا ٹیکسز عائد نہ کیے تو نئے سال پر عوام کو ریلیف ملے گا۔