این اے 130، یاسمین راشد کی درخواست مسترد، نوازشریف کی کامیابی کا نوٹیفکیشن درست قرار

لاہور الیکشن ٹربیونل کا فیصلہ

لاہور (ڈیلی پاکستان آن لائن) لاہور الیکشن ٹربیونل نے این اے 130 لاہور سے نواز شریف کی کامیابی کا نوٹیفکیشن درست قرار دے دیا۔

یہ بھی پڑھیں: وزیراعلیٰ پنجاب کی زیر صدارت خصوصی اجلاس، ذخیرہ اندوزی کرنے والوں کے خلاف اہم فیصلہ، ہر دکان پر سرکاری نرخنامہ نمایاں آویزاں کرنے کا حکم

ڈاکٹر یاسمین راشد کی درخواست خارج

الیکشن ٹربیونل نے ڈاکٹر یاسمین راشد کی نواز شریف کے خلاف درخواست خارج کرتے ہوئے این اے 130 لاہور سے مسلم لیگ ن کے صدر کی کامیابی کا نوٹیفکیشن درست قرار دے دیا۔

یہ بھی پڑھیں: پنجاب پبلک سروس کمیشن نے گزشتہ سال مختلف کوٹہ پر بھرتیوں کی تفصیل جاری کر دی

نواز شریف کی نمائندگی

نواز شریف کی جانب سے بیرسٹر اسد اللہ چٹھہ نے دلائل دیے جبکہ الیکشن ٹریبونل کے جج رانا زاہد محمود نے فیصلہ سنایا اور ڈاکٹر یاسمین راشد کی درخواست خارج کردی۔

ماضی کے نتائج

یاد رہے کہ فروری 2024 کے عام انتخابات میں لاہور سے قومی اسمبلی کی نشست این اے 130 پر نواز شریف 171024 ووٹ لے کر کامیاب ہوئے تھے جبکہ آزاد امیدوار یاسمین راشد نے 115043 ووٹ حاصل کیے تھے۔ ڈاکٹر یاسمین راشد نے نواز شریف کی کامیابی کو چیلنج کیا تھا。