سال 2025: لیسکو نے اربوں روپے سے توانائی کے ضیاع اور ترسیل کے منصوبے مکمل کیے

لیسکو کے ترقیاتی منصوبے 2025

لاہور (طیبہ بخاری سے) سال 2025 میں لیسکو نے اربوں روپے سے توانائی کے ضیاع اور ترسیل کے منصوبوں کے ترقیاتی کام مکمل کیے۔

یہ بھی پڑھیں: پنجاب میں دہشت گردی کے لیے آنے والوں کو سخت ترین جواب دیا جائے گا: وزیر اعلیٰ مریم نواز

منصوبوں کی تفصیلات

تفصیلات کے مطابق لیسکو نے سال 2025 کے دوران بجلی کے نظام کو بہتر بنانے، لائن لاسز میں کمی اور صارفین کو بلا تعطل بجلی کی فراہمی یقینی بنانے کے لیے اہم ترقیاتی منصوبے کامیابی سے مکمل کیے ہیں۔ ان منصوبوں میں ہائی ٹینشن (HT) اور لو ٹینشن (LT) سطح پر توانائی کے ضیاع میں کمی (ELR) اور بجلی کی ترسیل (DOP) کے متعدد منصوبے شامل ہیں۔

یہ بھی پڑھیں: صدر ٹرمپ نے خود کو نوبیل انعام کے لیے بہترین امیدوار قرار دیدیا

مالی تفصیلات

لیسکو کے شعبہ پی اینڈ ٹی کے مطابق، سال 2025 میں HT سطح پر توانائی کے ضیاع میں کمی کے 97 منصوبے جبکہ بجلی کی ترسیل کے 19 منصوبے مکمل کیے گئے، جن پر مجموعی طور پر 1354.856 ملین روپے خرچ کیے گئے۔ اسی طرح LT سطح پر توانائی کے ضیاع میں کمی کے 1767 منصوبے اور بجلی کی ترسیل کے 67 منصوبے مکمل کیے گئے، جن پر 2368.366 ملین روپے کی خطیر رقم خرچ کی گئی۔
ان منصوبوں کا بنیادی مقصد لائن لاسز میں نمایاں کمی، پرانے برقی نظام کی اپ گریڈیشن اور صارفین کو محفوظ، مستحکم اور بہتر معیار کی بجلی کی فراہمی کو یقینی بنانا ہے۔ ان اقدامات سے نہ صرف نظام کی کارکردگی بہتر ہوئی ہے بلکہ صارفین کے مسائل میں بھی واضح کمی آئی ہے۔

چیف ایگزیکٹو کا بیان

اس موقع پر چیف ایگزیکٹو لیسکو انجینئر محمد رمضان بٹ نے کہا کہ لیسکو حکومتِ پاکستان کی پالیسیوں اور وزارتِ توانائی کی ہدایات کے مطابق بجلی کے ترسیلی و تقسیمی نظام کو جدید خطوط پر استوار کر رہا ہے۔ لیسکو صارفین کی سہولت کو اولین ترجیح دیتے ہوئے ترقیاتی منصوبوں کے تسلسل کو برقرار رکھے گا۔