خیبرپختونخوا اسمبلی کے اسپیکر کا پنجاب اسمبلی کو خط، منتخب اراکین اور مہمانوں کے ساتھ رویے کو آئینی تقاضوں اور پارلیمانی روایات کے منافی قرار دے دیا

پشاور: اسپیکر خیبرپختونخوا اسمبلی کا خط

خیبرپختونخوا اسمبلی کے اسپیکر بابر سلیم سواتی نے اسپیکر پنجاب اسمبلی کو خط ارسال کیا ہے، جس میں پنجاب اسمبلی کے سرکاری دورے کے دوران پیش آنے والے افسوسناک واقعے پر شدید تشویش کا اظہار کیا گیا ہے۔

یہ بھی پڑھیں: سہ ملکی سیریز، پاکستان اور افغانستان کا آج پھر جوڑ پڑے گا

وزیرِاعلیٰ کی قیادت میں وفد کی مشکلات

خط میں مؤقف اختیار کیا گیا ہے کہ خیبرپختونخوا اسمبلی کے وفد، جس کی قیادت وزیرِاعلیٰ خیبرپختونخوا کر رہے تھے، کو باقاعدہ سرکاری رابطوں اور پیشگی اطلاع کے باوجود متعدد رکاوٹوں، غیر پیشہ ورانہ طرزِ عمل اور پارلیمانی آداب کی صریح خلاف ورزیوں کا سامنا کرنا پڑا۔ وفد کے اراکین کو غیر ضروری تاخیر، بار بار سیکیورٹی چیک، جارحانہ سوالات، جسمانی روک تھام اور غیر مہذب رویے کا سامنا کرنا پڑا۔

یہ بھی پڑھیں: جوئے کی تشہیر، سسڑالوجی چینل کی اقرا کنول، انس علی اور مدثر حسن کو نوٹسز جاری

سنگین صورتحال

یہ صورتحال اس وقت مزید سنگین ہو گئی جب خیبرپختونخوا کے معزز وزیرِاعلیٰ اسمبلی کی عمارت کی جانب پیدل بڑھتے ہوئے سیکیورٹی اہلکاروں کی جانب سے روکے گئے اراکین کو دھکے دیے گئے، جس کے باعث وہ واپس اپنی گاڑی کی جانب جانے پر مجبور ہوئے۔ اسپیکر خیبرپختونخوا اسمبلی نے اس طرزِ عمل کو آئینی تقاضوں اور پارلیمانی روایات کے سراسر منافی قرار دیا۔

یہ بھی پڑھیں: ون ڈے فارمیٹ میں نئی گیندوں سے متعلق قانون میں اہم تبدیلی

صحافیوں کے مثبت رویے کی کمی

خط میں بعض ایسے افراد کے طرزِ عمل پر بھی تشویش کا اظہار کیا گیا ہے جو خود کو صحافی ظاہر کرتے ہوئے مبینہ طور پر اشتعال انگیز اور متنازعہ سوالات کے ذریعے ماحول کو مزید کشیدگی میں ڈالنے کا باعث بنے۔

یہ بھی پڑھیں: دنگل ورلڈ کپ کا آغاز 23 مارچ کو پاکستان میں، اگلا عالمی سیزن دبئی میں منعقد ہوگا

صوبائی اسمبلیوں کی اہمیت

اسپیکر خیبرپختونخوا اسمبلی نے واضح کیا کہ صوبائی اسمبلیاں آئینی ادارے ہیں اور مختلف صوبوں کے منتخب نمائندوں کے مابین روابط باہمی احترام اور پارلیمانی آداب کے دائرے میں ہونے چاہئیں۔

یہ بھی پڑھیں: بات ختم ہی ہوئی تھی کہ ایک ایم پی اے آ گئے، ان کی گفتگو میں درخواست تھی اور دھمکی بھی،ڈسپلن کا معاملہ ہے کمپرو مائز یا سفارش نہیں مانی جا سکتی۔

سیکیورٹی امور کا حل

خط میں اس امر پر زور دیا گیا کہ سیکیورٹی سے متعلق امور کو عوامی توہین یا جسمانی تصادم کے بجائے ادارہ جاتی رابطوں اور پیشگی انتظامات کے ذریعے حل کیا جانا چاہیے۔

یہ بھی پڑھیں: خیبرپختونخوا حکومت کا 9 مئی کے مزید 57 مقدمات ختم کرنے کا فیصلہ

وجوہات کی جانچ کا مطالبہ

اسپیکر نے مطالبہ کیا ہے کہ اس واقعے کی مناسب سطح پر مکمل جانچ کی جائے، جہاں ذمہ داری عائد ہوتی ہو وہاں اس کا تعین کیا جائے اور مستقبل میں ایسے واقعات کی روک تھام کے لیے واضح اور مؤثر ہدایات جاری کی جائیں۔ خط کی نقول چیئرمین سینیٹ اور اسپیکر قومی اسمبلی کو بھی ارسال کی گئی ہیں۔

وفاقی تعاون کی اہمیت

خط کے اختتام پر اس بات کی نشاندہی کی گئی ہے کہ اگر ایسے واقعات کو نظر انداز کیا گیا تو یہ صوبوں کے درمیان ہم آہنگی، باہمی احترام اور وفاقی تعاون کے جذبے کو نقصان پہنچا سکتے ہیں۔

خیبرپختونخوا اسمبلی کے اسپیکر کی پنجاب اسمبلی کے اسپیکر کو وزیرِاعلیٰ خیبرپختونخوا کی سربراہی میں اراکینِ اسمبلی پر مشتمل وفد کے دورۂ پنجاب اسمبلی کے دوران پیش آنے والے افسوسناک واقعے پر خط

خیبرپختونخوا اسمبلی کے اسپیکر بابر سلیم سواتی نے پنجاب اسمبلی کے اسپیکر ملک احمد خان کو… pic.twitter.com/qL2LxV5CC8

— Babar Saleem Swati (@BabarSaleemSwat) December 30, 2025