عظمیٰ بخاری کا اپوزیشن لیڈر کے خلاف ہتک عزت کے الزامات پر قانونی کارروائی کا اعلان

عظمیٰ بخاری کی صحافیوں سے یکجہتی

لاہور (ڈیلی پاکستان آن لائن) وزیر اطلاعات و ثقافت پنجاب عظمیٰ بخاری نے کہا ہے کہ اپوزیشن لیڈر کا پورے میڈیا کو ’’بکاؤ‘‘ کہنا ان کی بکاؤ ذہنیت کی عکاسی ہے۔ انہوں نے واضح کیا کہ جو صحافی اپوزیشن کے حق میں بات کرے اسے صحافی تسلیم کیا جائے، لیکن باقی صحافیوں کی خدمات کو نظرانداز یا کمتر قرار دینا ناقابلِ قبول ہے۔

یہ بھی پڑھیں: پنجاب میں اپوزیشن کی نااہلی کا ریفرنس، مذاکرات کا دوسرا دور اتوار کو ہوگا

قانونی کارروائی کا اعلان

وزیر اطلاعات نے صحافیوں کے ساتھ اظہار یکجہتی کرتے ہوئے پنجاب اسمبلی سے واک آؤٹ کیا اور اعلان کیا کہ اپوزیشن لیڈر کے خلاف ہتک عزت کے الزامات کے سلسلے میں ڈیفمیشن ایکٹ کے تحت قانونی کارروائی کی جائے گی۔

یہ بھی پڑھیں: سزائے موت پانے والے ایرانی ریپر کو سب سے بڑی خوشخبری مل گئی

پنجاب اسمبلی میں واقعات

پنجاب اسمبلی کے باہر صحافیوں سے اظہار یکجہتی کرتے ہوئے عظمیٰ بخاری نے کہا ہے کہ گزشتہ دنوں پیش آنے والے واقعات نے پوری دنیا کو دکھا دیا کہ اپوزیشن کو بولنے کی عادت تو ہے، مگر سننے کی برداشت نہیں۔ اپوزیشن کی جانب سے مہمانوں کی فہرست باقاعدہ طور پر جمع کروائی گئی، لیکن اس کے باوجود وزیراعلیٰ خیبرپختونخوا اپنے ساتھ ایسے غیر متعلقہ افراد اور یوٹیومرز کو ساتھ لائے جن کا اسمبلی سے کوئی تعلق نہیں تھا۔

یہ بھی پڑھیں: پاکستان ریلویز کے فریٹ سیکٹر کی ریکارڈ آمدن، 6 ماہ میں 17 ارب کی کمائی

دھکے اور تشدد کی مذمت

عظمیٰ بخاری نے کہا کہ پنجاب اسمبلی کے اندر صحافیوں کو دھکے دیئے گئے، مارا پیٹا گیا، گالم گلوچ کی گئی اور اُنہیں اپنے فرائض کی ادائیگی سے روکا گیا۔ افسوس کے ساتھ انہوں نے کہا کہ اپوزیشن نے میڈیا اور صحافیوں کو ‘بکاؤ’ قرار دے کر اپنی اخلاقی دیوالیہ پن کی مہر ثبت کر دی۔

یہ بھی پڑھیں: پشاور ہائیکورٹ؛ پی ٹی آئی کے 24 نومبر احتجاج کے لئے سرکاری وسائل کے استعمال پر ایڈووکیٹ جنرل سے رپورٹ طلب

سوال پوچھنے کا حق

وزیر اطلاعات نے واضح کیا کہ پنجاب اسمبلی کے صحافیوں اور پریس گیلری کے ساتھ بدسلوکی ناقابلِ قبول ہے، اسی لیے بطور اظہارِ یکجہتی وہ ایوان سے واک آؤٹ کر گئیں۔ انہوں نے کہا کہ سوال پوچھنا صحافت کا حق ہے، اور جو حق برداشت نہ کرے وہ سوال نہیں، صرف تالیاں چاہتا ہے۔

یہ بھی پڑھیں: ماہانہ فیول ایڈجسٹمنٹ، بجلی کی قیمتوں میں 37 پیسے فی یونٹ کمی کا امکان

لسانیت کا کارڈ کھیلنے کی مذمت

عظمیٰ بخاری نے کہا کہ میڈیا سے معافی مانگنے کے بجائے اپوزیشن نے پشتون شناخت کو ڈھال بنا کر لسانیت کا کارڈ کھیلنے کی کوشش کی، حالانکہ بات کسی قومیت کی نہیں، رویئے کی تھی۔

یہ بھی پڑھیں: پاک بھارت جنگ کے بعد دونوں ممالک کے وزرائے دفاع کے درمیان پہلی ملاقات کا امکان

بے بنیاد الزامات کا جواب

وزیر اطلاعات نے اپنے خلاف لگائے گئے الزامات پر قانونی کارروائی کا اعلان کرتے ہوئے کہا کہ اپوزیشن لیڈر نے بے بنیاد الزام لگایا کہ میں نے ’’پِیڈ صحافی‘‘ بھیجے، اب وہ یہ الزام عدالت میں ثابت کریں۔

یہ بھی پڑھیں: مرکزی رویت ہلال کمیٹی کا اجلاس پشاور میں جاری، ملک کے مختلف مقامات سے رمضان کے چاند کی 21 شہادتیں موصول

جمہوری اقدار پر گفتگو

انہوں نے اپوزیشن کو مخاطب کرتے ہوئے کہا کہ سوال سے اتنی تکلیف ہے تو جواب دینا سیکھیں۔ میڈیا پر حملے، بدزبانی، اور صحافیوں کے خلاف مہم چلانا سیاست نہیں، کم ظرفی ہے۔

آزاد میڈیا کی حمایت

آخر میں وزیر اطلاعات نے دوٹوک مؤقف اپناتے ہوئے کہا کہ آزاد میڈیا پر حملے برداشت نہیں کیے جائیں گے۔ پنجاب اسمبلی صحافیوں پر تشدد کرنے والوں کی آماجگاہ نہیں بن سکتی۔