کراچی میں ڈبل ڈیکر بس سروس کا افتتاح، کرایہ کتنا ہوگا؟

کراچی میں ڈبل ڈیکر بس سروس کا افتتاح

کراچی(ڈیلی پاکستان آن لائن) سندھ کے سینئر وزیر شرجیل میمن اور وزیر بلدیات ناصر حسین شاہ نے کراچی میں ڈبل ڈیکر بس سروس کا افتتاح کر دیا۔

یہ بھی پڑھیں: جنرل عاصم منیر کا بیانیہ اور بھارتی اضطراب

بریفنگ اور وعدے

نجی ٹی وی چینل جیو نیوز کے مطابق اس موقع پر حکام نے شرجیل انعام میمن کو بسوں کی خصوصیات سے متعلق بریفنگ بھی دی۔ شرجیل میمن کا کہنا تھا کہ ہم نے عوام سے ڈبل ڈیکر بسوں کا وعدہ کیا تھا، ایسے پروجیکٹ لانے کا مقصد زیادہ سے زیادہ لوگوں کو فائدہ پہنچانا ہے۔

یہ بھی پڑھیں: میکے کو تشدد کی اطلاع دینے پر شوہر کے ہاتھوں بیوی قتل

بس سروس کی تفصیلات

شرجیل میمن نے بتایا کہ ڈبل ڈیکر کا روٹ 22 کلو میٹر پر مشتمل ہے اور اس کا کرایہ 80 سے 120 روپے ہوگا۔ ابتدائی طور پر ڈبل ڈیکر بس سروس ملیر سے شارع فیصل تک چلائی جائے گی۔ ان کا عزم ہے کہ جلد ہی سب سڑکوں پر ڈبل ڈیکر بسیں نظر آئیں گی۔

یہ بھی پڑھیں: انٹرن شپ کے بہانے ڈاکٹر کی میڈیکل طالبہ سے کئی ماہ تک زیادتی، ویڈیوز بھی بناتا رہا

سبسڈی اور سہولیات

انہوں نے مزید کہا کہ بس کے کرایوں میں سبسڈی دی جارہی ہے اور روزانہ کی بنیاد پر عوام کے لیے سہولیات بڑھانے کی کوشش کی جا رہی ہے۔ نئے سال میں ٹرانسپورٹ کی سہولیات سندی بھر میں فراہم کی جائیں گی۔

یہ بھی پڑھیں: ستاروں کی روشنی میں آپ کا آج (جمعرات) کا دن کیسا رہے گا؟

سفری اعداد و شمار

انہوں نے بتایا کہ پیپلز بس سروس سے سوا لاکھ لوگ روزانہ سفر کر رہے ہیں جبکہ گرین لائن بس سروس پر 65 ہزار لوگ سفر کرتے ہیں۔ ریڈ لائن، بی آر ٹی پر دوبارہ کام شروع ہو چکا ہے۔

بجٹ اور ترقیاتی منصوبے

صوبائی وزیر کا کہنا تھا کہ کراچی کی سڑکوں کے لیے تمام لوگ مل کر کام کر رہے ہیں۔ صنعتی علاقوں کے لیے 9 ارب روپے کا بجٹ رکھا گیا ہے، جبکہ شاہراہ بھٹو اسٹیٹ آف دی آرٹ کا تحفہ عوام کو دیا گیا ہے۔