ملک کے مختلف علاقوں میں تیز ہواؤں اور گرج چمک کے ساتھ بارش اور برفباری کی پیشگوئی

محکمہ موسمیات کی پیشگوئی

اسلام آباد(ڈیلی پاکستان آن لائن)محکمہ موسمیات نے ملک کے مختلف علاقوں میں تیز ہواؤں اور گرج چمک کے ساتھ بارش اور برفباری کی پیشگوئی کر دی۔

یہ بھی پڑھیں: شام کو جم خانہ آئیں، گپ شپ رہے گی، سارے مسئلے بھی حل کر لیں گے

ملک کے مختلف علاقوں میں بارش

نجی ٹی وی چینل ہم نیوز کے مطابق ملک کے مختلف علاقوں میں بارش کا آغاز ہو چکا ہے، کراچی میں رات گئے آئی آئی چندریگر روڈ، پی آئی ڈی سی، سلطان آباد، شاہراہ فیصل، طارق روڈ، ضیاء الدین احمد روڈ، صدر، سولجر بازار، جمشید روڈ اور سول لائنز میں بارش ہوئی۔

یہ بھی پڑھیں: مداحوں کے مطابق یہاں سب کچھ ممکن ہے، بابر سے شادی کے سوال پر ہانیہ کا جواب

بارش کے مقامات

دادو، جیکب آباد، لاڑکانہ، حیدر آباد اور جامشورو میں بھی بارش ہوئی۔ کوئٹہ اور گرد و نواح میں بھی بارش ہوئی، لسبیلہ اور وندر میں بھی بادل برسے۔

یہ بھی پڑھیں: رواں سال کی پہلی سہہ ماہی میں 2119 ارب سے زائد کا بجٹ سرپلس رہا، رپورٹ

آج کی پیشگوئی

محکمہ موسمیات کے مطابق آج اسلام آباد میں تیز ہواؤں اور گرج چمک کے ساتھ بارش کا امکان ہے، مری، راولپنڈی، جھنگ، شیخوپورہ، ساہیوال، شورکوٹ، ملتان، کوٹ ادو اور بہاولنگر میں بارش ہونے کی توقع ہے۔

یہ بھی پڑھیں: بلوچستان کے سرد علاقوں میں 16 دسمبر سے سکولز بند ہوں گے

دیگر علاقوں میں بارش کی توقع

اوکاڑہ، قصور، خانیوال، خانپور، بہاولپور، رحیم یار خان، چترال، دیر، سوات، شانگلہ، کوہستان، بٹگرام، مانسہرہ، ایبٹ آباد، ہری پور، بونیر، باجوڑ، مہمند، خیبر، اورکزئی اور کرم میں بارش کا امکان ہے۔

یہ بھی پڑھیں: قومیں تعلیم اور انسانوں سے بنتی ہیں سونے چاندی سے نہیں، ڈاکٹر دلاور حسین نے سیکرٹری تعلیم سے اپنی لکھی ہوئی پالیسی واپس لی اور گھر آگئے

کوئٹہ اور دیگر بلوچستان کے شہر

کوئٹہ، زیارت، چمن، پشین، قلعہ عبداللہ اور قلعہ سیف اللہ میں مزید بارش کی توقع ہے، نوشکی، ژوب، قلات، بارکھان اور موسیٰ خیل میں گرج چمک کے ساتھ بارش کا امکان ہے۔

شمالی علاقوں میں موسم کی صورتحال

مردان، چارسدہ، نوشہرہ، صوابی، بنوں، پشاور، وزیرستان، کرک اور کوہاٹ میں تیز ہواؤں اور گرج چمک کے ساتھ بارش کا امکان ہے۔ آزادکشمیر اور گلگت بلتستان میں وقفے وقفے سے بارش و برفباری کی توقع ہے۔