دعایہ ہے نئے سال کا ہر دن ملکی سالمیت اور قومی ہم آہنگی کی نوید ہو: صدر، وزیراعظم

صدر اور وزیراعظم کی نئی سال کی مبارکباد

اسلام آباد (ڈیلی پاکستان آن لائن) صدر آصف علی زرداری اور وزیراعظم شہباز شریف نے دعا کی ہے کہ نئے سال کا سورج خوشیوں، خوشحالی، اور اللہ کے فضل و کرم کے ساتھ طلوع ہو۔

یہ بھی پڑھیں: پی ٹی آئی کے مزید 28 اراکین اسمبلی قائمہ کمیٹیوں سے مستعفی

چیلنجز کا سامنا

نجی ٹی وی چینل دنیا نیوز کے مطابق، صدر مملکت آصف علی زرداری نے کہا کہ پاکستان چیلنجز سے محفوظ نہیں، لیکن ہم بے بس بھی نہیں۔ اتحاد، استقامت، اور تخلیقی صلاحیت کے ساتھ ہم مشکلات پر قابو پاسکتے ہیں۔

یہ بھی پڑھیں: پاکستان اور سعودی عرب کے درمیان اقتصادی تعاون بڑھانے اور پاکستانی مصنوعات کے فروغ کے لئے پاکستانی سرمایہ کاروں کو پہلے سے زیادہ کام کرنا , شہباز حسین چوہدری

وزیراعظم کا پیغام برائے اہلیان وطن

وزیراعظم شہباز شریف نے نئے سال کے موقع پر اپنے پیغام میں کہا کہ تمام اہلیان وطن کو نئے سال کی خوشیاں مبارک ہوں۔ انہوں نے امید ظاہر کی کہ ہر دن ملکی سالمیت اور قومی ہم آہنگی کی نوید لے کر آئے گا۔ 2025ء دفاع وطن کے اعتبار سے تاریخ میں سنہری حروف میں لکھا جائے گا۔

یہ بھی پڑھیں: گلگت: روایتی شندور پولو فیسٹیول 20 جون سے شروع ہوگا

پاکستان کے شاہینوں کا عزم

محمد شہباز شریف نے مزید کہا کہ مسلح افواج نے دشمن کے عزائم کو ناکام بناتے ہوئے معرکہ حق میں تاریخ رقم کی۔ پاکستان کے شاہینوں نے فضائی حدود کا ناقابل تسخیر دفاع کیا ہے، اور قوم افواج کے ساتھ مل کر ملک کے دفاع میں ہمیشہ سیسہ پلائی دیوار ثابت ہوگی۔

معاشی خوشحالی کے لئے کوششیں

وزیراعظم نے کہا کہ دہشتگرد حملوں میں مادر وطن کے لئے جان قربان کرنے والوں کو خراج عقیدت پیش کرتے ہیں۔ حکومت ملک کی معاشی خوشحالی کے لئے ہر ممکن کوشش کر رہی ہے، اور حالیہ معاشی اشاریوں میں بہتری حکومت کی درست اور مثبت سمت کی عکاسی کرتی ہے۔