تیز ہواؤں اور گرج چمک کے ساتھ مزید بارش اور برفباری کی پیشگوئی

محکمہ موسمیات کی پیشگوئی

اسلام آباد (ڈیلی پاکستان آن لائن) محکمہ موسمیات نے تیز ہواؤں اور گرج چمک کے ساتھ مزید بارش اور برفباری کی پیشگوئی کر دی۔

یہ بھی پڑھیں: پاکستان کے غریب مزید غریب، عوام کی حقیقی آمدن میں 12.2 فیصد کمی ہوئی، مفتاح اسماعیل

موسمی اثرات کی تفصیلات

نجی ٹی وی چینل ہم نیوز کے مطابق محکمہ موسمیات کا کہنا ہے کہ ناران، کاغان، دیر، سوات، کوہستان، مانسہرہ، گلیات، وادی نیلم، باغ، پونچھ اور حویلی میں برفباری کا امکان ہے۔

یہ بھی پڑھیں: پاکستان نے فائنل میں بنگلہ دیش کو شکست دے کر بلائینڈ ٹی ٹوینٹی ورلڈ کپ جیت لیا

اسلام آباد اور دیگر شہروں میں بارش کی توقع

اسلام آباد میں تیز ہواؤں اور گرج چمک کے ساتھ بارش کا امکان ہے، لاہور، راولپنڈی، اٹک، چکوال، جہلم، گجرات، سیالکوٹ میں بارش ہونے کی توقع ہے۔

یہ بھی پڑھیں: فوجی عدالتوں میں عام شہریوں کے ٹرائل کا کیس،زیرحراست افراد کی عام جیلوں میں منتقل کرنے کی لطیف کھوسہ کی استدعا مسترد

نارووال اور گوجرانوالہ میں بارش کی صورتحال

گوجرانوالہ اور نارووال میں چند مقامات پر گرج چمک کے ساتھ بارش کا امکان ظاہر کیا گیا ہے، ایبٹ آباد، شانگلہ، استور، ہنزہ، سکردو اور مری میں بارش کی توقع ہے۔

یہ بھی پڑھیں: انگریزوں نے طاقت کے بل بوتے دو پریمیوں کو جدا کرکے انکے مقبروں کے عین وسط میں سے ریل گاڑی کی پٹری نکال کر دو  احاطوں میں تقسیم کر دیا۔

ٹریفک اور لینڈ سلائیڈنگ کا خدشہ

سڑکوں کے بند ہونے اور پھسلن کی وجہ سے ٹریفک کی روانی متاثر ہو سکتی ہے، بالائی خیبر پختونخوا، کشمیر اور گلگت بلتستان میں لینڈ سلائیڈنگ کا خدشہ ہے۔

یہ بھی پڑھیں: اب انکم ٹیکس ریٹرن جمع کروانے کے لیے کسی وکیل کی ضرورت نہیں رہے گی، وزیر خزانہ نے بڑا اعلان کردیا

صوبوں میں موسم کی صورتحال

بلوچستان کے بیشتر اضلاع میں موسم سرد رہے گا جبکہ سندھ کے بیشتر اضلاع میں موسم سرد اور خشک رہنے کا امکان ظاہر کیا گیا ہے۔

مری میں برفباری کے اثرات

ملک کے مختلف علاقوں میں بارش کا سلسلہ جاری ہے، مری میں برفباری کی وجہ سے جڑواں شہروں میں سردی کی شدت میں اضافہ ہو گیا ہے۔