ملک میں تیل و گیس کے نئے ذخائر دریافت

نئے تیل اور گیس کے ذخائر کی دریافت

کراچی(ڈیلی پاکستان آن لائن) ملک میں خام تیل اور گیس کے نئے ذخائر دریافت کر لئے گئے۔

یہ بھی پڑھیں: پٹرولیم مصنوعات کی قیمتوں میں کمی

او جی ڈی سی کا اعلان

نجی ٹی وی چینل ہم نیوز کے مطابق او جی ڈی سی نے خیبر پختونخوا کے ضلع کوہاٹ میں نشپا بلاک سے تیل و گیس کی دریافت کا اعلان کیا ہے۔

یہ بھی پڑھیں: محرم الحرام کا چاند دیکھنے کیلئے مرکزی رویت ہلال کمیٹی کا اجلاس 26 جون کو طلب

پیداوار کی تفصیلات

ترجمان آئل اینڈ گیس ڈویلپمنٹ نے کہا کہ براگزئی ایکس ون کنویں سے یومیہ 4 ہزار ایک سو بیرل تیل حاصل ہوگا، کنویں سے ساڑھے 10 ملین کیوبک فٹ یومیہ گیس کی پیداوار حاصل ہوگی۔

یہ بھی پڑھیں: باجوڑ: مشترکہ چیک پوسٹ پر دہشت گرد حملے کی کوشش ناکام

کنویں کی ڈرلنگ کی معلومات

ترجمان او جی ڈی سی ایل کے مطابق براگزئی ایکس ون کنواں 5 ہزار 170 میٹر گہرائی تک ڈرل کیا گیا، ڈاٹا فارمیشن میں ہائیڈرو کاربن سے 187 میٹر زون کی کامیاب نشاندہی ہوئی۔

یہ بھی پڑھیں: مچل سٹارک نے ٹیسٹ کرکٹ میں سب سے زیادہ وکٹیں لینے کا وسیم اکرم کا ریکارڈ توڑ دیا

حصے داروں کی تفصیلات

نشپا بلاک میں او جی ڈی سی بطور آپریٹر 65، پی پی ایل 30 اور جی ایچ پی ایل 5 فیصد کے حصے دار ہیں، نئی دریافت سے ملکی اور او جی ڈی سی کے توانائی ذخائر میں مزید اضافہ ہو گا۔

مقامی وسائل کا فروغ

ترجمان او جی ڈی سی نے کہا کہ مقامی وسائل کے فروغ سے ملک میں توانائی کی طلب و رسد میں بہتری آئے گی۔