سی ایم نسپکشن ٹیم کے ہسپتالوں کے طوفانی دورے، بد انتظامی پرایم ایس جہلم کی چھٹی، سوہاوہ کے ایم ایس کو وارننگ

وزیراعلیٰ پنجاب کی ہدایت پر سی ایم انسپکشن ٹیم کا دورہ

لاہور (ڈیلی پاکستان آن لائن) وزیراعلیٰ پنجاب مریم نواز کی ہدایت پر سی ایم انسپکشن ٹیم ہسپتالوں کے دوروں میں مصروف ہے۔ سی ایم انسپکشن ٹیم نے ایک ہی دن میں 4 ہسپتالوں کا اچانک معائنہ کیا، جس کے نتیجے میں بدانتظامی پر جہلم ہسپتال کے ایم ایس کو عہدے سے ہٹا دیا گیا۔

یہ بھی پڑھیں: بجٹ میں تنخواہ دار طبقے کو مہنگائی کے تناسب سے ریلیف دینے کا فیصلہ

دوروں کا آغاز

سی ایم انسپکشن ٹیم نے رات گئے ضلعی اور 3 تحصیل ہسپتالوں کا طوفانی وزٹ کیا۔ صوبائی معاون خصوصی شعیب مرزا نے ڈی ایچ کیو ہسپتال جہلم، سوہاوہ، گوجر خان اور کھاریاں ٹی ایچ کیو ہسپتالوں کا دورہ کیا۔

یہ بھی پڑھیں: وفاقی حکومت کا پیٹرول پر لیوی میں ایک روپے 60 پیسے فی لیٹر کا اضافہ

جہلم ہسپتال میں بدانتظامی

ڈی ایچ کیو ہسپتال جہلم بدانتظامی کا شکار نظر آیا۔ ہسپتال میں ایکسرے مشینیں خراب اور فلمیں غائب تھیں۔ مریضوں نے انسپکشن ٹیم کے سامنے متعدد شکایات پیش کیں۔ سی ایم انسپکشن ٹیم کی سفارش پر ڈی ایچ کیو جہلم کے ایم ایس کو ہٹانے کے احکامات جاری کر دیئے گئے۔