نشے میں ہونے کے باعث ائیر انڈیا کی پرواز کے پائلٹ کو کینیڈا میں آف لوڈ کردیا گیا

بھارتی پائلٹ کی گرفتاری

ٹورنٹو(ڈیلی پاکستان آن لائن)کینیڈا کے شہر وینکوور میں بھارتی ائیرلائن ائیر انڈیا کے ایک پائلٹ کو ٹیک آف سے کچھ دیر قبل مشتبہ حالت میں ہونے اور نشے کے باعث پرواز سے اتار دیا گیا۔

یہ بھی پڑھیں: سیکیورٹی فورسز نے پاکستان، افغانستان سرحد کے راستے دراندازی کی بڑی کوشش ناکام بنا دی، 54 خارجی جہنم واصل

واقعہ کی تفصیلات

بھارتی میڈیا کی رپورٹس کے مطابق یہ واقعہ 23 دسمبر 2025 کو ائیر انڈیا کی پرواز AI186 کے ساتھ پیش آیا۔ وینکوور ائرپورٹ پر عملے کے ایک رکن نے مبینہ طور پر پائلٹ کو شراب پیتے یا شراب خریدتے ہوئے دیکھا، جس کے بعد حکام کو آگاہ کیا گیا۔

یہ بھی پڑھیں: پنجاب حکومت نے بھارتی حملے میں زخمی ہونے والے شہریوں کیلئے امدادی فنڈ جاری کر دیا

پائلٹ کا ٹیسٹ اور حراست

کینیڈین حکام نے پائلٹ کے پاس سے مشکوک بو آنے کے باعث فوری طور پر پائلٹ کا بریتھ اینالائزر ٹیسٹ کیا، جس میں وہ ناکام رہا۔ بعد ازاں، حکام نے پائلٹ کی محفوظ انداز میں فرائض انجام دینے کی صلاحیت پر تشویش کا اظہار کرتے ہوئے اسے مزید تفتیش کے لیے حراست میں لے لیا۔

پرواز میں تاخیر

ائیر انڈیا کے ترجمان کے مطابق حفاظتی اصولوں کے تحت متبادل پائلٹ کو پرواز کے لیے تعینات کیا گیا۔ تاہم، نئے پائلٹ کی تعیناتی کے عمل میں وقت لگنے کے باعث پرواز میں تاخیر ہوئی۔ ائیر انڈیا نے تصدیق کی ہے کہ جاری تحقیقات کے نتائج سامنے آنے تک مذکورہ پائلٹ کو ڈیوٹی سے ہٹا دیا گیا ہے۔