علیمہ خان کی ایک دن کی حاضری سے استثنیٰ کی درخواست منظور

انسداد دہشت گردی عدالت کا فیصلہ

راولپنڈی (ڈیلی پاکستان آن لائن) انسداد دہشت گردی عدالت راولپنڈی نے علیمہ خان کی ایک دن کی حاضری سے استثنیٰ کی درخواست منظور کرلی۔

یہ بھی پڑھیں: کراچی، سہراب گوٹھ گنا منڈی میں گھر سے خاتون اور 3 بچوں کی لاشیں برآمد

مقدمے کی سماعت کی تفصیلات

روزنامہ جنگ کے مطابق علیمہ خان سمیت 11 ملزمان پر 26 نومبر کے احتجاج پر درج مقدمے کی سماعت کے موقع پر مقدمے میں نامزد دیگر ملزمان کے وکلاء عدالت میں پیش ہوئے۔

یہ بھی پڑھیں: ڈی پی ایل کی تاریخ میں توسیع خوش آئند، لیکن مسئلہ جوں کا توں ہے، کمرشل امپورٹرز، حکومت قوانین پر نظرثانی کرے، سلیم ولی محمد

وکیل کا بیان

بعدازاں علیمہ خان کے وکیل فیصل ملک نے میڈیا سے گفتگو کرتے ہوئے کہا کہ علیمہ خان کے خلاف آج 26 نومبر کے احتجاج پر مقدمے کی سماعت تھی۔ انہوں نے عدالت کو بتایا کہ علیمہ خان مصروفیات کے باعث آج پیش نہیں ہوسکتیں۔

یہ بھی پڑھیں: بنگلہ دیش پریمیئر لیگ، ڈھاکہ کیپیٹلز کے کوچ محبوب علی ٹریننگ کے دوران دل کا دورہ پڑنے سے انتقال کر گئے

حاضری سے استثنیٰ کی درخواست

وکیل فیصل ملک نے کہا کہ علیمہ خان کی ایک دن کی حاضری سے استثنیٰ کی درخواست جمع کرائی ہے اور عدالت سے استدعا کی ہے کہ ہمیں 7 جنوری کی تاریخ دی جائے۔

علیمہ خان کی عدالت میں موجودگی

ان کا کہنا تھا کہ علیمہ خان کی ہدایات ہیں کہ عدالت میں جو بھی کارروائی ہو ان کے سامنے ہو۔ فیصل ملک نے عدالت کے علم میں یہ بات لائی کہ علیمہ خان اگلی تاریخ پر پیش ہوں گی۔