1 مئی ڈیجیٹل دہشتگردی کیس: عادل راجہ، حیدر مہدی، وجاہت سعید، صابر شاکر، معید پیرزادہ کو عمر قید کی سزا

اسلام آباد کی انسداد دہشت گردی عدالت کا فیصلہ

اسلام آباد (ڈیلی پاکستان آن لائن) کی انسداد دہشت گردی عدالت نے 9 مئی کو ریاستی اداروں کے خلاف ڈیجیٹل دہشتگردی کرنے کے کیس کا فیصلہ سنادیا۔

یہ بھی پڑھیں: لاہور میں آندھی، جہلم، اسلام آباد میں موسلادھار بارش، ماں بیٹی جاں بحق

سزاؤں کا اعلان

روزنامہ جنگ کے مطابق، عدالت نے عادل راجہ، حیدر مہدی، وجاہت سعید، صابر شاکر اور معید پیرزادہ کو 2، 2 بار عمر قید کی سزا سنائی۔

مزید برآں، عدالت نے ان ملزمان کو دیگر دفعات میں مجموعی طور پر 35 سال قید کی سزائیں بھی سنائیں اور انہیں 15 لاکھ روپے جرمانے کی سزا بھی دی۔

یہ بھی پڑھیں: بھارت اسرائیل گٹھ جوڑ، کیا خطرے کی گھنٹی ہے؟ ویڈیو تجزیہ

فیصلے کی تفصیلات

عدالت نے ٹرائل مکمل ہونے پر فیصلہ محفوظ کیا تھا، جسے جج طاہر عباس سپرا نے سنایا۔

پراسکیوشن کی جانب سے مجموعی طور پر 24 گواہان کو عدالت میں پیش کیا گیا۔

یہ بھی پڑھیں: ماحول دوست وژن، پنجاب میں فصل کی باقیات جلانے کا رجحان بدلنے لگا

مقدمات کی نوعیت

تھانہ آبپارہ کے مقدمے میں صابر شاکر، معید پیرزادہ اور سید اکبر حسین کو عمر قید کی سزا سنائی گئی جبکہ تھانہ رمنا کے مقدمے میں شاہین صبہائی، حیدر مہدی اور وجاہت سعید کو سزا سنائی گئی۔

یہ بھی پڑھیں: پنجاب میں پہلی مرتبہ اینٹی ڈرون یونٹ قائم کرنے کا فیصلہ، فوری طور پر سائبرکرائم سیل قائم کرنے کا حکم، خصوصی ڈیش بورڈ بھی قائم

ٹرائل کا عمل

عدالت نے پراسیکوشن کی استدعا پر ملزمان کی غیر موجودگی میں ٹرائل مکمل کیا۔ پراسکیوشن کی جانب سے راجا نوید حسین کیانی عدالت میں پیش ہوئے، جبکہ ملزمان کی جانب سے گلفام اشرف گورائیہ ایڈووکیٹ عدالت میں پیش ہوئے۔ انہیں عدالت کی جانب سے ملزمان کا وکیل مقرر کیا گیا تھا۔

اہم نکات

واضح رہے کہ انسداد دہشت گردی قوانین کے مطابق ملزمان کی عدم موجودگی میں ٹرائل کیا جاسکتا ہے۔