سلمان خان نے راجیش کھنہ کو کیا پیشکش کی تھی جسے راجیش کھنہ نے دھوکہ سمجھا تھا؟

سلمان خان کی راجیش کھنہ کے لئے پیشکش

ممبئی(ڈیلی پاکستان آن لائن) بالی وڈ سپر اسٹار سلمان خان نے ماضی کے سپر اسٹار راجیش کھنہ کا بنگلہ خریدنے کے لیے انہیں مفت کام کرنے کی پیشکش کی تھی۔

یہ بھی پڑھیں: مریم نے آئمہ مساجد کے لیے وظیفہ مقررکرکے خیبر پختونخوا حکومت کا منصوبہ کاپی پیسٹ کیا، بیرسٹر سیف

راجیش کھنہ کی مالی مشکلات

بھارتی میڈیا کے مطابق 1960 کے اواخر اور 1970 کے عشروں کے سپر اسٹار راجیش کھنہ پر جب برا وقت آیا تو وہ شدید مالی پریشانی کا شکار تھے۔ ایسی حالت میں سلمان خان نے ان کا مشہور بنگلہ آشیرواد خریدنے اور ان کی فلم میں بغیر معاوضہ کام کرنے کی پیشکش کی تھی۔ تاہم، راجیش کھنہ نے ان کی نیت پر شک کرتے ہوئے اسے دھوکہ قرار دیا اور کہا کہ وہ انہیں سڑک پر لانا چاہتے ہیں۔

یہ بھی پڑھیں: پیٹرول کی قیمتیں ہماری حکومت نے نہیں بڑھائیں: گورنر سندھ

آشیرواد بنگلے کی تاریخ

راجیش کھنہ نے بنگلہ آشیرواد 1970 کی دہائی کے اوائل میں اداکار راجندر کمار سے ساڑھے تین لاکھ روپے میں خریدا تھا۔ راجیش کھنہ کا خیال تھا کہ سلمان خان اس بنگلے کو خرید کر انہیں مالی اور سماجی طور پر کمزور کرنا چاہتے ہیں۔

یہ بھی پڑھیں: سہیل ظفر چٹھہ کو غیر قانونی ہاؤسنگ سوسائٹیز بنانے والے بڑے مگر مچھوں کے خلاف خصوصی ٹاسک دے دیا گیا

گوتم چنتامانی کی کتاب میں ذکر

اپنی کتاب "ڈارک اسٹار: دی لونلی نیس آف بینگ راجیش کھنہ" کے مصنف گوتم چنتامانی لکھتے ہیں کہ ان کے آشیرواد میں منتقل ہونے کے بعد بادشاہوں والا انداز تھا جہاں وہ ایک اونچی کرسی پر بیٹھ کر دربار لگاتے تھے۔ جب ملاقات کے لئے آنے والے پروڈیوسرز کو انتظار کےلیے باہر بٹھایا جاتا، اس موقع پر وہ اپنی مشہور ریشمی لنگی اور کرتے میں نمودار ہوتے۔

یہ بھی پڑھیں: کراچی کے مختلف علاقوں میں تیز ہواؤں کے ساتھ بارش اور ژالہ باری

انتہائی منتخب ضیافتیں

گوتم کے مطابق بنگلے کے اندرونی حصے تک رسائی صرف چند منتخب لوگوں کو حاصل تھی۔ ان کے قریبی لوگ رات بھر نہ ختم ہونے والی محفلوں سے لطف اندوز ہوتے اور ان کی چاپلوسی کی جاتی۔ اس دوران وہ اپنے مزاج کے خلاف کوئی بات نہیں سنتے اور ایسے لوگوں کو گھر سے نکال دیا کرتے تھے۔

یہ بھی پڑھیں: میڈیا ہمارا فخر ہے، آپ نے ہمارے ساتھ مل کر جنگ لڑی: فیلڈ مارشل سید عاصم منیر

راجیش کھنہ کی شروعات و زوال

پھر ایک وقت آیا جب ان کا ستارہ ڈوبنے لگا اور ان کی جگہ امیتابھ بچن نے 1973 کی فلم "زنجیر"، "شعلے" اور "دیوار" کے ذریعے لے لی۔

یہ بھی پڑھیں: آج پاکستان سمیت متعدد ممالک میں دن اور رات کا دورانیہ یکساں ہوگا

سلمان خان کی مزید پیشکشیں

گوتم کے مطابق سلمان خان نے اپنے بھائی سہیل خان کے لیے کاکا کے بنگلے کو خریدنے کے لیے راجیش کھنہ کو کئی پرکشش پیشکش کیں۔ ان کو ملنے والے بھاری انکم ٹیکس نوٹس کے واجبات ادا کرنے کی یقین دہانی کے ساتھ انہیں راجیش کھنہ کی کسی فلم میں بغیر معاوضہ کام کی پیشکش بھی کی گئی۔

یہ بھی پڑھیں: زمبابوے سے ٹیسٹ میں نیوزی لینڈ کی اننگز اور 359 رنز سے ریکارڈ فتح

تنہائی کی زندگی اور بنگلے کا اختتام

تاہم, کاکا نے اسے نہیں بیچا اور اسی گھر میں تنہائی کی زندگی گزارتے ہوئے چل بسے۔ بعد میں اس بنگلے کو کسی اور نے خرید کر گرا دیا اور یہاں پر بلند عمارت تعمیر کی۔

راجیش کھنہ کا شاندار کیریئر

راجیش کھنہ بھارتی سینما کے پہلے سپر سٹار تھے اور انھوں نے اسی طور پر شان و شوکت سے بھرپور زندگی گزاری۔ 1969 سے 1972 کے درمیان لگاتار 15 سولو ہٹ فلموں کا ایسا ریکارڈ قائم کیا جو آج تک ٹوٹ نہیں سکا۔ اپنے کیریئر کے عروج کے دوران انہوں نے خاصی دولت اور جائیدادیں بنائیں، جس میں ممبئی کے فیشن ایبل علاقے کارٹر روڈ پر سمندر کنارے ایک بنگلہ شامل تھا، جس کا نام آشیرواد رکھا گیا۔ یہ بنگلہ جلد ہی ایک معروف علامت بن گیا اور راجیش کھنہ کو بے مثال شہرت کی نشانی سمجھا جانے لگا۔