پختونخوا کی جامعات میں نگراں دور کے دوران بھرتی 645 ملازمین کو فارغ کرنے کا حکم
محکمہ اعلیٰ تعلیم خیبر پختونخوا کی نئی ہدایت
پشاور(ڈیلی پاکستان آن لائن)محکمہ اعلیٰ تعلیم خیبر پختونخوا نے نگراں دور میں بھرتی 645 ملازمین کو 10 روز میں فارغ کرنے کا حکم دیتے ہوئے جامعات سے فوری رپورٹ طلب کر لی۔
یہ بھی پڑھیں: حکیم شہزاد عرف لوہا پاڑ کے وارنٹ گرفتاری منسوخ
خیبر پختونخوا ریموول فرام سروس ایکٹ 2025
محکمہ اعلی تعلیم نے جامعات کو خیبر پختونخوا ریموول فرام سروس ایکٹ 2025 پر فوری اور مکمل عمل درآمد کی ہدایت جاری کر دیں۔
یہ بھی پڑھیں: چمکادڑ خاتون کی جیکٹ میں چھپ کر چڑیا گھر سے فرار
بھرتی ہونے والے ملازمین کی تفصیلات
نگراں دور کے دوران 18 جامعات میں 645 ملازمین بھرتی کیے گئے تھے۔ تفصیلات کے مطابق:
- ویمن یونیورسٹی مردان: 140 ملازمین
- زرعی یونیورسٹی ڈیرہ اسماعیل خان: 120 ملازمین
- بونیر یونیورسٹی: 76 ملازمین
- چترال یونیورسٹی: 63 ملازمین
- ملاکنڈ یونیورسٹی: 54 ملازمین
- یونیورسٹی آف سائنس اینڈ ٹیکنالوجی: 34 ملازمین
- باچا خان یونیورسٹی چارسدہ: 33 ملازمین
یہ بھی پڑھیں: سرکاری حج سکیم: درخواستوں کی وصولی منگل تک جاری رہے گی
دیگر جامعات میں بھرتی
انسٹیٹیوٹ آف مینجمنٹ سائنسز میں 32، سوات یونیورسٹی میں 22، شہید بے نظیر بھٹو یونیورسٹی شیرینگل میں 15، بنوں سائنس اینڈ ٹیکنالوجی یونیورسٹی میں 14، لکی مروت یونیورسٹی میں 11 اور عبدالولی خان یونیورسٹی مردان میں 9 ملازمین بھرتی ہوئے۔
چھوٹی جامعات میں بھرتی کے اعداد و شمار
شہداء آرمی پبلک اسکول یونیورسٹی نوشہرہ میں 8، ہری پور یونیورسٹی میں 6، پشاور یونیورسٹی میں 4 اور پاک آسٹریا ہری پور میں بھی 4 ملازمین بھرتی کیے گئے تھے۔
