لاہور کے سیوریج میں پولیو وائرس کی تصدیق

پولیو وائرس کی تصدیق

لاہور (ڈیلی پاکستان آن لائن) شہر کے سیوریج سسٹم میں پولیو وائرس دوبارہ تصدیق ہونے کے بعد بیماری کے پھیلاؤ کے خطرات برقرار ہیں۔پولیو کے خاتمے کے لیے جاری مہمات کے باوجود وائرس کی سرگرمی ابھی مکمل طور پر ختم نہیں ہوئی۔ سال 2025 کے آخر میں جمع کیے گئے سیوریج سیمپلز میں وائرس مثبت پایا گیا۔

یہ بھی پڑھیں: ڈی جی آئی ایس پی آر آج سہ پہر اہم پریس کانفرنس کریں گے

سیوریج سیمپلز کی جانچ

ہم نیوز کے مطابق پنجاب ہیلتھ ڈیپارٹمنٹ کے حکام نے بتایا کہ پولیو وائرس کی موجودگی کی تصدیق آؤٹ فال روڈ اور گلشن راوی کے علاقوں سے جمع کیے گئے سیمپلز میں سے ہوئی، جبکہ ملتان روڈ اور محمود بوٹی کے سیمپلز میں وائرس موجود نہیں تھا۔یہ سیمپلز معمول کی نگرانی کے تحت لاہور کے سیوریج نیٹ ورک سے جمع کیے گئے تھے تاکہ شہر میں پولیو وائرس کی سرگرمی پر مسلسل نظر رکھی جا سکے۔

یہ بھی پڑھیں: قومی اسمبلی کی قائمہ کمیٹی فوڈ سیکیورٹی نے پنجاب کے کسانوں کے لیے ٹریکٹر سکیم پر شدید تحفظات کا اظہار کردیا

والدین کے لئے ہدایت

صحت کے حکام نے والدین اور سرپرستوں پر زور دیا ہے کہ وہ اپنے بچوں کی حفاظتی ویکسین مکمل کروائیں تاکہ پولیو کے پھیلاؤ کو روکا جا سکے۔

پولیو ویکسین مہم کی کامیابی

واضح رہے کہ ڈسٹرکٹ انتظامیہ نے حال ہی میں سات روزہ پولیو ویکسین مہم چلائی، جس کے تمام مقاصد حاصل کر لیے گئے۔ عالمی ادارہ صحت (WHO) کے مشاہدین نے ٹیموں کی کارکردگی پر اطمینان کا اظہار کیا اور پہلے چھوٹ جانے والے بچوں کی ویکسینیشن میں نمایاں بہتری نوٹ کی۔