شہزاد اکبر پر حملے کی تحقیقات اسکاٹ لینڈ یارڈ کے کاونٹر ٹیرر ازم یونٹ نے سھنبال لی ، ذرائع کا دعویٰ

تحقیقات کی شروعات

لندن (مجتبیٰ علی شاہ) قابل اعتماد ذرائع نے دعویٰ کیا ہے کہ سابق مشیر احتساب شہزاد اکبر پر حملے کی تحقیقات اسکاٹ لینڈ یارڈ کے کاونٹر ٹیرر ازم یونٹ نے سنبھال لی ہیں۔ یہ واقعہ تقریبا 10 روز قبل کیمبرج میں ان کے گھر کے دروازے پر پیش آیا، جہاں انہیں پرتشدد حملے کے ذریعہ زخمی کیا گیا تھا۔

یہ بھی پڑھیں: پرانے منشی نے میری کارکردگی دیکھتے ہوئے کہا علیٰحدہ آفس قائم کریں میں آپ کو بہت سارے کیس لا کے دوں گا، اکیلے کام کرنے کا تجربہ بھی ٹھیک رہا۔

پولیس کی کارروائی

حملے کے بعد کیمبرج پولیس نے تحقیقات کا آغاز کیا تھا، لیکن معاملے کی حساسیت کی وجہ سے فائل کاؤنٹر ٹیرر ازم پولیسنگ کمانڈ کو بھیج دی گئی۔

یہ بھی پڑھیں: امریکہ ایران کی قیادت آج اسلام آباد میں مذاکرات کرے گی، خطے میں اب جنگ کی نہیں امن کی باتیں ہو رہی ہیں، شہباز شریف

تفصیلات کی فراہمی

ذرائع نے ڈیلی پاکستان کو بتایا کہ شہزاد اکبر کا بیان، فرانزک رپورٹ اور سی سی ٹی وی فوٹج بھی کاؤنٹر ٹیرر ازم پولیسنگ کمانڈ کے حوالے کر دیے گئے ہیں۔ کاؤنٹر ٹیرر ازم پولیسنگ یونٹ نے 50 کی دہائی کے شخص پر حملے کی تحقیقات کرنے کی تصدیق کی ہے۔ پولیس ترجمان نے بتایا کہ حملے کی نوعیت سے لگتا ہے کہ متاثرہ شخص کو ہدف بنا کر نشانہ بنایا گیا۔ تحقیقات میں حملے کی وجوہات سے متعلق ہر ممکنہ محرک کو مدنظر رکھا جا رہا ہے۔

یہ بھی پڑھیں: ہمارے ہاتھ پر کسی کا خون نہیں، رینجرز کا شہید آپ کا ہی نہیں ہمارا بھی شہید ہے: علی محمد خان

عوامی سلامتی

ترجمان نے بتایاکہ اس واقعہ کے حوالے سے عوام کو کوئی وسیع تر خطرہ نہیں، اور ابھی تک کوئی گرفتاری عمل میں نہیں آئی۔ اگر کسی کے پاس حملے کے حوالے سے معلومات ہوں تو وہ اعتماد کے ساتھ پولیس یا کرائم اسٹاپرز سے گمنام رہ کر بھی رابطہ کر سکتا ہے۔

شہزاد اکبر کے بیانات

شہزاد اکبر کے مطابق حملہ آور سفید فام تھا اور وہ ماسک، دستانے اور حفاظتی لباس پہنے ہوئے تھا۔ حملے کے نتیجے میں شہزاد اکبر کی ناک اور جبڑے کی ہڈی میں فریکچر ہوا تھا۔