اگر کوئی تقریب یا میٹنگ ہو تو فیلڈ مارشل عاصم منیر سے ضرور ملاقات کروں گا، محمد سہیل آفریدی

وزیراعلیٰ خیبرپختونخوا کا اسٹیبلشمنٹ سے بات چیت کا ارادہ

پشاور (ویب ڈیسک) وزیراعلیٰ خیبرپختونخوا محمد سہیل آفریدی نے کہا ہے کہ پاکستان تحریک انصاف (پی ٹی آئی) کے بانی عمران خان نے اسٹیبلشمنٹ سے بات چیت کے حوالے سے مجھ سے کچھ نہیں کہا ہے۔ تاہم، صوبائی معاملات پر اسٹیبلشمنٹ سے بات چیت اور تعلقات بہتر کرنے کے لیے میں تیار ہوں۔ وزیراعلیٰ نے یہ بھی کہا کہ اگر کوئی تقریب یا میٹنگ ہوئی تو میں فیلڈ مارشل عاصم منیر سے ضرور ملوں گا۔

یہ بھی پڑھیں: ضلعی ہسپتالوں میں فالج کے علاج کے لیے مرحلہ وار اسٹروک سینٹر بنانے کا فیصلہ، وسط فروری تک انجکشن اور ٹریٹمنٹ ٹریننگ کا ہدف مقرر

سینئر صحافیوں کے ساتھ ملاقات

وزیراعلیٰ خیبرپختونخوا محمد سہیل آفریدی نے پشاور میں سینئر صحافیوں کے ساتھ فرداً فرداً ملاقات کی اور غیررسمی گفتگو کرتے ہوئے بتایا کہ اسٹیبلشمنٹ سے بات چیت کے حوالے سے بانی پاکستان تحریک انصاف (پی ٹی آئی) نے مجھے کچھ نہیں کہا۔ بات چیت کا ٹاسک محمود اچکزئی اور علامہ ناصر عباس کے حوالے کیا گیا ہے۔

یہ بھی پڑھیں: آئین کے آرٹیکل 8/3 میں کیا ہے؟ کیا سویلینز اس کے زمرے میں آتے ہیں؟ جسٹس مسرت ہلالی کا استفسار

صوبائی معاملات پر بات چیت

انہوں نے کہا کہ اسٹیبلشمنٹ کے ساتھ صوبائی معاملات پر بات چیت اور تعلقات بہتر کرنے کے لیے میں تیار ہوں، لیکن بانی پی ٹی آئی سے میری ملاقات نہیں کرائی جا رہی ہے۔ ملک میں آئین و قانون کی بالادستی ہونی چاہیے اور ڈرون حملے بند ہونے چاہئیں۔ حکومت اسٹیبلشمنٹ سمیت تمام اسٹیک ہولڈرز کو ایسی پالیسی بنانی چاہیے جو عوامی مفادات کے مطابق ہو۔

یہ بھی پڑھیں: وزیراعظم سے مولانا فضل الرحمان کی ملاقات، تحفظات سے آگاہ کیا۔

پشاور کی ترقی اور وفاقی حکومت کی ذمہ داریاں

ہم نے پشاور کو ترقی دینا ہے لیکن لاہور کی طرح نہیں جہاں جلسے اور جلوس کرنے پر پابندی ہے۔ وفاق نے ضم اضلاع کے لیے اے آئی پی کے تحت 700 ارب روپے بقایاجات ابھی تک ادا نہیں کیے ہیں۔ وفاقی حکومت نے اے آئی پی کے تحت برسوں میں صرف 168 ارب روپے دیے ہیں جبکہ بجلی کے خالص منافع اور دیگر بقایاجات کی مد میں وفاقی حکومت نے ہمارے 4 ہزار ارب روپے سے زیادہ دینے ہیں۔

یہ بھی پڑھیں: اعضا اور خون کا عطیہ دینا اسلامی تعلیمات کے مطابق جائز ہے:چیئرمین اسلامی نظریاتی کونسل

بانی پی ٹی آئی کی رہائی کے لیے سازگار ماحول

وزیراعلیٰ نے کہا کہ بانی چیئرمین پی ٹی آئی کی رہائی کے لیے بات چیت کے حالات اور ماحول سازگار ہونا چاہیے۔ پی ٹی آئی کی قیادت کو مضبوطی سے میدان میں اترنا ہوگا۔ بانی پی ٹی آئی کی بہنوں کا باہر نکلنا جائز ہے، وہ اپنے بھائی کی رہائی کے لیے کوشش کر رہی ہیں۔

یہ بھی پڑھیں: یو اے ای پاک میڈیا اور یو کے میڈیا کرکٹ ٹیم کے درمیان کرکٹ میچ 29 جنوری 2026 کو عجمان میں ہو گا

لاہور اور کراچی کے دورے کا مقصد

انہوں نے کہا کہ لاہور کا دورہ عوام میں بیداری کی لہر پیدا کرنے کے لیے کیا ہے۔ کراچی جانے کا مقصد بھی یہی ہے کہ عوام بانی پی ٹی آئی کی رہائی کے لیے متحرک ہوں۔ بانی پی ٹی آئی صرف خیبرپختونخوا نہیں بلکہ پورے ملک کے لیڈر ہیں۔ میری حکومت کی کرپشن کے حوالے سے زیرو ٹالرنس پالیسی ہے جس کے اصول شفافیت، میرٹ، ترقی اور کرپشن کا خاتمہ ہیں۔

یہ بھی پڑھیں: نئی دہلی کی فضاء انتہائی خراب، انڈر 23 ٹورنامنٹ کا وینیو تبدیل کرنا پڑگیا

ترقیاتی عمل اور امن و امان کی صورت حال

سہیل آفریدی نے کہا کہ مرکز سے ملنے والا پیسہ ترتیب سے ضم اضلاع میں خرچ کیا جائے گا۔ ترقی کا عمل شروع ہونے سے ضم اضلاع میں عسکریت پسندی کا خاتمہ ہوجائے گا۔ امن و امان کی صورت حال میری حکومت کے لیے اصل چیلنج ہے جس پر قابو پانے کے لیے ہم کوشاں ہیں۔

صوبائی حکومت کی ترجیحات

صوبائی حکومت کی ترجیحات سے آگاہ کرتے ہوئے انہوں نے کہا کہ میں خود بھی کام کرتا ہوں اور اپنی ٹیم سے بھی کام درکار ہے۔ ہم نے عوام میں تبدیلی لانے کے لیے کام کرکے دکھانا ہے۔