اگر کوئی تقریب یا میٹنگ ہو تو فیلڈ مارشل عاصم منیر سے ضرور ملاقات کروں گا، محمد سہیل آفریدی
وزیراعلیٰ خیبرپختونخوا کا اسٹیبلشمنٹ سے بات چیت کا ارادہ
پشاور (ویب ڈیسک) وزیراعلیٰ خیبرپختونخوا محمد سہیل آفریدی نے کہا ہے کہ پاکستان تحریک انصاف (پی ٹی آئی) کے بانی عمران خان نے اسٹیبلشمنٹ سے بات چیت کے حوالے سے مجھ سے کچھ نہیں کہا ہے۔ تاہم، صوبائی معاملات پر اسٹیبلشمنٹ سے بات چیت اور تعلقات بہتر کرنے کے لیے میں تیار ہوں۔ وزیراعلیٰ نے یہ بھی کہا کہ اگر کوئی تقریب یا میٹنگ ہوئی تو میں فیلڈ مارشل عاصم منیر سے ضرور ملوں گا۔
یہ بھی پڑھیں: سندھ طاس معاہدہ خطے میں پانی کی منصفانہ تقسیم کا ضامن ہے، عملدرآمد بحال کیا جائے: صدر زرداری
سینئر صحافیوں کے ساتھ ملاقات
وزیراعلیٰ خیبرپختونخوا محمد سہیل آفریدی نے پشاور میں سینئر صحافیوں کے ساتھ فرداً فرداً ملاقات کی اور غیررسمی گفتگو کرتے ہوئے بتایا کہ اسٹیبلشمنٹ سے بات چیت کے حوالے سے بانی پاکستان تحریک انصاف (پی ٹی آئی) نے مجھے کچھ نہیں کہا۔ بات چیت کا ٹاسک محمود اچکزئی اور علامہ ناصر عباس کے حوالے کیا گیا ہے۔
یہ بھی پڑھیں: مریم نواز نے آئینہ دکھایا تو فتنہ پارٹی کے چمچے کڑچھے طیش میں آگئے ہیں: عظمیٰ بخاری
صوبائی معاملات پر بات چیت
انہوں نے کہا کہ اسٹیبلشمنٹ کے ساتھ صوبائی معاملات پر بات چیت اور تعلقات بہتر کرنے کے لیے میں تیار ہوں، لیکن بانی پی ٹی آئی سے میری ملاقات نہیں کرائی جا رہی ہے۔ ملک میں آئین و قانون کی بالادستی ہونی چاہیے اور ڈرون حملے بند ہونے چاہئیں۔ حکومت اسٹیبلشمنٹ سمیت تمام اسٹیک ہولڈرز کو ایسی پالیسی بنانی چاہیے جو عوامی مفادات کے مطابق ہو۔
یہ بھی پڑھیں: سپریم کورٹ: Two Lakh Riyal Robbery, Accused’s Bail Petition Rejected
پشاور کی ترقی اور وفاقی حکومت کی ذمہ داریاں
ہم نے پشاور کو ترقی دینا ہے لیکن لاہور کی طرح نہیں جہاں جلسے اور جلوس کرنے پر پابندی ہے۔ وفاق نے ضم اضلاع کے لیے اے آئی پی کے تحت 700 ارب روپے بقایاجات ابھی تک ادا نہیں کیے ہیں۔ وفاقی حکومت نے اے آئی پی کے تحت برسوں میں صرف 168 ارب روپے دیے ہیں جبکہ بجلی کے خالص منافع اور دیگر بقایاجات کی مد میں وفاقی حکومت نے ہمارے 4 ہزار ارب روپے سے زیادہ دینے ہیں۔
یہ بھی پڑھیں: سابق ڈسٹرکٹ ایمرجنسی آفیسر ریسکیو نے سوات واقعے کی تحقیقاتی کمیٹی کو بیان قلمبند کرا دیا
بانی پی ٹی آئی کی رہائی کے لیے سازگار ماحول
وزیراعلیٰ نے کہا کہ بانی چیئرمین پی ٹی آئی کی رہائی کے لیے بات چیت کے حالات اور ماحول سازگار ہونا چاہیے۔ پی ٹی آئی کی قیادت کو مضبوطی سے میدان میں اترنا ہوگا۔ بانی پی ٹی آئی کی بہنوں کا باہر نکلنا جائز ہے، وہ اپنے بھائی کی رہائی کے لیے کوشش کر رہی ہیں۔
یہ بھی پڑھیں: پاکستان کا بھارت اور کینیڈا کے درمیان یورینیم سپلائی معاہدے پر تشویش کا اظہار
لاہور اور کراچی کے دورے کا مقصد
انہوں نے کہا کہ لاہور کا دورہ عوام میں بیداری کی لہر پیدا کرنے کے لیے کیا ہے۔ کراچی جانے کا مقصد بھی یہی ہے کہ عوام بانی پی ٹی آئی کی رہائی کے لیے متحرک ہوں۔ بانی پی ٹی آئی صرف خیبرپختونخوا نہیں بلکہ پورے ملک کے لیڈر ہیں۔ میری حکومت کی کرپشن کے حوالے سے زیرو ٹالرنس پالیسی ہے جس کے اصول شفافیت، میرٹ، ترقی اور کرپشن کا خاتمہ ہیں۔
یہ بھی پڑھیں: یمن کی صورتحال پر امریکی اور سعودی وزرائے خارجہ کا رابطہ
ترقیاتی عمل اور امن و امان کی صورت حال
سہیل آفریدی نے کہا کہ مرکز سے ملنے والا پیسہ ترتیب سے ضم اضلاع میں خرچ کیا جائے گا۔ ترقی کا عمل شروع ہونے سے ضم اضلاع میں عسکریت پسندی کا خاتمہ ہوجائے گا۔ امن و امان کی صورت حال میری حکومت کے لیے اصل چیلنج ہے جس پر قابو پانے کے لیے ہم کوشاں ہیں۔
صوبائی حکومت کی ترجیحات
صوبائی حکومت کی ترجیحات سے آگاہ کرتے ہوئے انہوں نے کہا کہ میں خود بھی کام کرتا ہوں اور اپنی ٹیم سے بھی کام درکار ہے۔ ہم نے عوام میں تبدیلی لانے کے لیے کام کرکے دکھانا ہے۔
