بارش کی پیشگوئی: گرج چمک کا ساتھ

محکمہ موسمیات کی پیشگوئی

اسلام آباد (ڈیلی پاکستان آن لائن) محکمہ موسمیات نے ملک کے چند مقامات پر گرج چمک کے ساتھ بارش کی پیشگوئی کر دی ہے۔

یہ بھی پڑھیں: ڈونلڈ ٹرمپ: اسرائیل کو ایران کی جوہری تنصیبات پر حملہ کرنا چاہیے

موسم کی عمومی صورت حال

محکمہ موسمیات کے مطابق ملک کے بیشتر علاقوں میں موسم خشک اور گرم رہے گا۔ تاہم، کشمیر، گلگت بلتستان اور بالائی خیبر پختونخوا میں تیز ہواؤں اور گرج چمک کے ساتھ چند مقامات پر بارش ہو سکتی ہے۔ اسلام آباد اور گرد و نواح میں موسم خشک اور مطلع جزوی طور پر ابر آلود رہے گا۔

یہ بھی پڑھیں: حماقت اور صداقت کا سنگم بڑا عجیب ہے،صداقتوں اور حماقتوں کی سچائیاں زہریلی ہیں برداشت کر سکیں تو حقائق کی کرواہٹ ذائقہ بدل کر رکھ دے گی.

بلوچستان کا موسم

بلوچستان کے بیشتر اضلاع میں موسم خشک رہے گا، تاہم شام یا رات میں خضدار، بارکھان اور گرد و نواح میں چند مقامات پر تیز ہواؤں اور گرج چمک کے ساتھ بارش ہو سکتی ہے۔

یہ بھی پڑھیں: قومی اسمبلی ارکان کا جنگلات کاٹنے اور آبی گزرگاہوں پر ہاؤسنگ سوسائٹیز بنانے کے خلاف کارروائی کا مطالبہ

پنجاب میں موسمی حالات

پنجاب کے بیشتر اضلاع میں موسم خشک اور گرم رہے گا۔ تاہم، بعد از دوپہر مری، گلیات میں چند مقامات پر تیز ہواؤں اور گرج چمک کے ساتھ بارش ہونے کا امکان ہے۔

یہ بھی پڑھیں: اداکارہ اقرا عزیز نے اپنے ہاں جلد دوسرے بچے کی متوقع پیدائش کی تصدیق کردی

سندھ کی موسمی صورتحال

سندھ کے بیشتر اضلاع میں موسم گرم اور خشک جبکہ ساحلی اضلاع میں مطلع جزوی طور پر ابر آلود رہے گا۔

یہ بھی پڑھیں: وزیراعلیٰ خیبرپختونخوا علی امین گنڈا پورنے کالاباغ ڈیم کے بعد ملک میں صدارتی نظام کی حمایت کردی

خیبرپختونخوا میں بارش کی پیشگوئی

خیبرپختونخوا کے بیشتر اضلاع میں موسم خشک رہنے کا امکان ہے، تاہم چترال، دیر، سوات، کوہستان، مانسہرہ، ایبٹ آباد اور کرم میں تیز ہواؤں اور گرج چمک کے ساتھ چند مقامات پر بارش کی پیشگوئی ہے۔

کشمیر اور گلگت بلتستان کی صورتحال

کشمیر اور گلگت بلتستان میں مطلع جزوی طور پر ابر آلود رہنے کے علاوہ تیز ہواؤں اور گرج چمک کے ساتھ چند مقامات پر بارش ہو سکتی ہے۔