آج سپریم کورٹ میں دیامر بھاشا اور مہمند ڈیم فنڈز کیس کا سماعت

سپریم کورٹ میں سماعت

اسلام آباد(ڈیلی پاکستان آن لائن) سپریم کورٹ میں دیامر بھاشا ڈیم اور مہمند ڈیم فنڈز کیس کی سماعت آج ہوگی۔

یہ بھی پڑھیں: لگتا ہے تمام چیزوں پر کنٹرول حاصل کرنے کی کوشش کی جارہی ہے، سندھ ہائی کورٹ کے عارف علوی کا کلینک سیل کرنے کیخلاف درخواست پر ریمارکس

سماعت کرنے والا بنچ

چیف جسٹس قاضی فائز عیسیٰ کی سربراہی میں 3 رکنی بنچ سماعت کرے گا، جسٹس نعیم اختر افغان اور جسٹس شاہد بلال بنچ کا حصہ ہوں گے۔ عدالت نے اٹارنی جنرل، چیئرمین ایف بی آر اور چیئرپرسن واپڈا سمیت دیگر فریقین کو نوٹس جاری کر رکھا ہے۔ عدالت نے سابق اٹارنی جنرل خالد جاوید، انور مقصود اور مخدوم علی خان کو عدالتی معاون طلب کر رکھا ہے۔

ڈیمز فنڈ کی صورتحال

واضح رہے کہ گزشتہ سماعت پر وفاقی حکومت نے ڈیمز فنڈ میں جمع ہونے والی رقم مانگ لی تھی۔ عدالت کو بتایا گیا کہ ڈیمز فنڈ کی مد میں 20 ارب روپے سٹیٹ بینک کے پاس موجود ہیں۔ چیف جسٹس نے ڈیمز فنڈ کی رقم سپریم کورٹ کے اکاؤنٹ میں رکھنے یا نہ رکھنے سے متعلق طے کرنے کا عندیہ دیا تھا.