مستفیض الرحمان کے آئی پی ایل سے نکالنے کا معاملہ، بنگلہ دیش کرکٹ بورڈ کی ہنگامی مشاورت، اہم فیصلوں کا امکان

بنگلہ دیش کرکٹ بورڈ کا فوری فیصلہ

ڈھاکہ (مانیٹرنگ ڈیسک) بنگلہ دیش کرکٹ بورڈ (بی سی بی) نے بولر مستفیض الرحمان کے بھارتی لیگ معاملے پر فوری مشاورت کا فیصلہ کیا ہے۔

یہ بھی پڑھیں: نئی تاریخ رقم: سٹاک مارکیٹ نے پہلی بار 85 ہزار پوائنٹس کی حد عبور کی

ایمرجنسی مشاورت کی طلب

تفصیلات کے مطابق بی سی بی نے فاسٹ بولر مستفیض الرحمان کے آئی پی ایل سے نکالنے کے معاملے کا جائزہ لینے کے لیے ہنگامی مشاورت طلب کی ہے۔ اور امکان ہے کہ مشاورت میں اہم فیصلے کیے جائیں گے۔

یہ بھی پڑھیں: مذاکرات ہو رہے ہیں کس سے ہو رہے ہیں یہ تو پارٹیاں بتا سکتی ہیں:شیخ رشید

بورڈ صدر کا بیان

’’جیو نیوز‘‘ کے مطابق بی سی بی کے صدر امین الاسلام نے کہا کہ بورڈ میٹنگ فوری طور پر بلانا ممکن نہیں ہے لیکن فوری طور پر مشاورت کر رہے ہیں۔ مشاورت کا مقصد صورتحال کا جائزہ لینا ہے، اولین ترجیح کرکٹرز کی حفاظت اور سیکیورٹی ہے۔ مشاورت سے اصل حقائق سامنے آئیں گے اور متعلقہ ڈپارٹمنٹس سے بھی مشاورت کی جا رہی ہے۔

یہ بھی پڑھیں: بلاول بھٹو کو اگلے انتخابات میں عوام کے ووٹوں سے وزیر اعظم بنائیں گے، پیپلز پارٹی نے کبھی سسٹم کو غیر مستحکم نہیں کیا، نہ کریں گے، گورنر پنجاب

سیکیورٹی کی یقین دہانی کے لئے بات چیت

بنگلہ دیشی میڈیا رپورٹ کے مطابق بی سی بی بھارت میں ٹی 20 ورلڈ کپ 2026ء میں سیکیورٹی کی یقین دہانی معاملے پر انٹرنیشنل کرکٹ کونسل (آئی سی سی) سے بات کرے گا۔ بی سی بی ورلڈ کپ میں بنگلہ دیشی ٹیم کی سیکیورٹی پر کوئی سمجھوتہ نہیں کرے گا، آئی سی سی کے سامنے بنگلہ دیش کے میچز سری لنکا میں کھیلنے کا آپشن بھی رکھا جائے گا۔

بھارتی بورڈ کی ہدایت

بھارتی بورڈ نے تنگ نظری کا مظاہرہ کرتے ہوئے انتہا پسند ہندوؤں کے دباؤ پر مستفیض الرحمان کو آئی پی ایل سے ریلیز کرنے کی ہدایت کی ہے۔ بھارتی بورڈ کی ہدایت پر شاہ رخ خان کی کولکتہ نائٹ رائیڈرز نے بنگلہ دیشی فاسٹ بولر کو ریلیز کردیا ہے۔