کسی خودمختار ملک پر یکطرفہ حملہ جنگی اقدام کے مترادف ہے، ظہران ممدانی

میئر ممدانی کا وینزویلا کے صدر کی گرفتاری پر موقف

واشنگٹن (ڈیلی پاکستان آن لائن) نیویارک کے میئر ظہران ممدانی نے وینزویلا کے صدر نکولس مادورو اور ان کی اہلیہ کی امریکی فوج کے ہاتھوں گرفتاری اور انہیں نیویارک میں وفاقی حراست میں رکھنے کے منصوبے پر شدید تحفظات کا اظہار کیا ہے۔

یہ بھی پڑھیں: پی ٹی آئی کا باضابطہ طور پر ’’جوڈیشل کمیشن آف پاکستان‘‘ کا حصہ بننے کا فیصلہ

امریکی فوج کی کارروائی پر تشویش

میئر ممدانی نے اپنے ایکس بیان میں کہا کہ انہیں امریکی فوج کی جانب سے وینزویلا کے صدر اور ان کی اہلیہ کی گرفتاری پر بریفنگ دی گئی۔ ان کے مطابق کسی خودمختار ملک پر یکطرفہ حملہ جنگی اقدام کے مترادف ہے اور یہ نہ صرف وفاقی بلکہ بین الاقوامی قوانین کی بھی صریح خلاف ورزی ہے۔

یہ بھی پڑھیں: بھارت نے 38 روہنگیا مہاجرین کو سمندر میں پھینک دیا

نیویارک کے شہریوں پر اثرات

انہوں نے واضح کیا کہ یہ کھلی جارحیت اور حکومت کی تبدیلی (رجیم چینج) کی کوشش صرف بیرونِ ملک اثرات تک محدود نہیں رہتی بلکہ اس کے براہِ راست اثرات نیویارک کے شہریوں پر بھی پڑتے ہیں، خصوصاً ان دسیوں ہزار وینزویلا کے باشندوں پر جو نیویارک میں رہائش پذیر ہیں۔

نیویارک کی سلامتی کی پہلی ترجیح

ظہران ممدانی کا کہنا تھا کہ ان کی اولین ترجیح نیویارک میں مقیم وینزویلا کے شہریوں سمیت تمام نیویارکرز کی سلامتی ہے۔ انہوں نے کہا کہ ان کی انتظامیہ صورتحال پر مسلسل نظر رکھے ہوئے ہے اور ضرورت پڑنے پر متعلقہ ہدایات اور رہنمائی جاری کی جائے گی۔