کراچی: خواتین سمیت 5 افراد کھلے نالے میں گر گئے، بیہوشی کی حالت میں ہسپتال منتقل

واقعے کا تعارف

کراچی(ڈیلی پاکستان آن لائن)کراچی کے علاقے کورنگی میں خاتون اور بچوں سمیت 5 افراد کھلے نالے میں گرگئے۔

یہ بھی پڑھیں: کھیلتا پنجاب پنک گیمز میں 3400 خواتین کھلاڑیوں کی شرکت، سپورٹس کے 184 پراجیکٹ ایک سال میں مکمل کریں گے: وزیر کھیل فیصل کھوکھر

تفصیلات

نجی ٹی وی چینل جیو نیوز کے مطابق ریسکیو حکام کا کہنا ہے کہ یہ واقعہ کورنگی کے علاقے مہران ٹاؤن میں پیش آیا جہاں ایک تقریب سے واپس آتے ہوئے کھلے گٹر میں خاتون اور بچوں سمیت 5 افراد گرگئے۔

یہ بھی پڑھیں: نیپرا نے بلیک آوٹ کے بعد بجلی بحالی میں ناکامی پر نیشنل گرڈ کمپنی اور سی پی پی اے کو جرمانہ کردیا

ریسکیو کی کوششیں

ریسکیو حکام نے بتایا کہ واقعے کی اطلاع ملتے ہی پانچوں افراد کی زندگیوں کو بچانے کی کوشش کی گئی اور سب کو نالے سے باہر نکالا گیا، تین افراد کو بے ہوشی کی حالت میں نکال کر اسپتال روانہ کردیا گیا۔

حادثے کی وجہ

ریسکیو حکام نے مزید بتایا کہ نکاسی آب کے لیے بنائے گئے نالے کی چھت ایک جگہ سے ٹوٹی ہوئی تھی، چھت کے ٹوٹے ہوئے حصے سے تمام افراد نالے میں گرے۔