بینائی سے محروم افراد کے لیے مساوی مواقع کی فراہمی آئینی ذمہ داری ہے: صدر مملکت

بینائی سے محروم افراد کو مبارکباد

اسلام آباد (ڈیلی پاکستان آن لائن) صدر مملکت آصف علی زرداری نے پاکستان بھر میں بینائی سے محروم افراد کو دلی مبارکباد پیش کرتے ہوئے ان کے وقار، حقوق اور قومی زندگی میں بھرپور شمولیت کے عزم کا اعادہ کیا ہے۔

یہ بھی پڑھیں: پاکستان تحریک انصاف نے 5 اگست تحریک کا پلان تیار کرلیا

عالمی یومِ بریل کا پیغام

ایوانِ صدر کے پریس ونگ کے مطابق ان خیالات کا اظہار انہوں نے عالمی یومِ بریل کے موقع پر اپنے پیغام میں کیا۔ صدر مملکت نے کہا کہ بریل محض پڑھنے اور لکھنے کا ذریعہ نہیں بلکہ یہ آزادی، اعتماد اور مساوی مواقع کی ایک پائیدار علامت ہے۔ پاکستان کی بنیاد مساوات، سماجی انصاف اور انسانی وقار کے احترام کے اصولوں پر رکھی گئی تھی۔ ایک قوم کے طور پر ہماری ترقی اس بات سے مشروط ہے کہ ہر شہری کو معاشرے میں بامعنی کردار ادا کرنے کے مواقع میسر ہوں۔ بینائی سے محروم افراد کے لیے قابلِ رسائی تعلیم، جامع عوامی خدمات اور مساوی مواقع کی فراہمی نہ صرف ایک آئینی ذمہ داری بلکہ ایک اخلاقی فریضہ بھی ہے۔

یہ بھی پڑھیں: غزہ میں غذائی قلت کے شکار فلسطینی بچوں کی تعداد خطرناک حد تک بڑھ رہی ہے: یونیسیف

تعلیم اور معلومات تک رسائی میں بہتری

صدر مملکت آصف علی زرداری نے مزید کہا کہ پاکستان بریل خواندگی کے فروغ، جامع نصاب اور معاون ڈیجیٹل ٹیکنالوجیز کے استعمال کے لیے پرعزم ہے تاکہ تعلیم اور معلومات تک رسائی کو مزید وسعت دی جاسکے۔ اس کے ساتھ ساتھ عوامی عمارتوں، سرکاری خدمات اور ڈیجیٹل پلیٹ فارمز میں قابلِ رسائی معیارات کا نفاذ بھی نہایت اہم ہے تاکہ کوئی بھی فرد شہری زندگی سے محروم نہ رہے۔ پاکستان معذور افراد کے حقوق سے متعلق اقوامِ متحدہ کے کنونشن اور پائیدار ترقی کے اہداف سمیت اپنی بین الاقوامی ذمہ داریوں کی پاسداری جاری رکھے ہوئے ہے۔

عزم اور مشقت کی تعریف

میں بینائی سے محروم افراد کی ثابت قدمی اور عزم کو خراجِ تحسین پیش کرتا ہوں، اس کے ساتھ ساتھ ان اساتذہ، والدین، دیکھ بھال کرنے والوں اور تنظیموں کو بھی سلام پیش کرتا ہوں جو ملک بھر میں بریل کی تعلیم اور سماجی شمولیت کے فروغ کے لیے انتھک محنت کررہے ہیں۔ ان کی کاوشیں خودمختاری اور خودانحصاری کی راہیں ہموار کرنے میں کلیدی کردار ادا کرتی ہیں۔