وینز ویلا نے 20 سال قبل امریکی آئل کمپنیوں کے اثاثے ضبط کیے تھے، جے ڈی وینس

امریکی نائب صدر جے ڈی وینس کا وینزویلا کے خلاف دفاع

واشنگٹن (ڈیلی پاکستان آن لائن) امریکی نائب صدر جے ڈی وینس نے وینزویلا کے خلاف امریکی کارروائیوں کا بھرپور دفاع کرتے ہوئے کہا ہے کہ یہ دعویٰ گمراہ کن ہے کہ وینزویلا کا عالمی منشیات، خاص طور پر فینٹینل، کی اسمگلنگ سے کوئی تعلق نہیں۔

یہ بھی پڑھیں: ارفع کریم کے والد بیٹی کی 31 ویں سالگرہ پر جذباتی ہو گئے

فینٹینل اور کوکین کی صورت حال

اپنے بیان میں نائب صدر وینس نے کہا کہ فینٹینل واحد منشیات نہیں اور حقیقت یہ ہے کہ وینزویلا سے فینٹینل کی ترسیل ماضی میں ہوتی رہی ہے۔ تاہم اصل مسئلہ کوکین ہے، جو وینزویلا سے اسمگل ہونے والی مرکزی منشیات ہے اور لاطینی امریکہ کے تمام بڑے کارٹلز کے لیے کمائی کا سب سے بڑا ذریعہ ہے۔

یہ بھی پڑھیں: سعودی عرب میں پاکستانی سفیر کی شہریوں کو سوشل میڈیا کے ذمہ دارانہ استعمال کی ہدایت

کارٹلز کی طاقت پر اثرات

انہوں نے واضح کیا کہ اگر کوکین کی آمدنی ختم یا کم کر دی جائے تو اس سے کارٹلز کی مجموعی طاقت بری طرح کمزور ہو جاتی ہے۔ "اور ہاں، کوکین بھی ایک تباہ کن منشیات ہے۔”

یہ بھی پڑھیں: پاکستان کو ہماری لائیو معلومات مل رہی تھیں، ڈی جی ایم او رابطے میں انہوں نے کہا کہ ہمیں پتا ہے کہ آپ کا کون سا ہتھیار حملے کیلئے تیار ہے بھارتی ڈپٹی آرمی چیف

فینٹینل کی آمد اور امریکی پالیسی

نائب صدر نے اعتراف کیا کہ فینٹینل کی بڑی مقدار میکسیکو سے آ رہی ہے، لیکن ساتھ ہی بتایا کہ یہ مسئلہ بھی امریکی پالیسی کی اولین ترجیح ہے اور اسی وجہ سے صدر ڈونلڈ ٹرمپ نے اقتدار سنبھالتے ہی سرحد بند کرنے کا فیصلہ کیا۔

یہ بھی پڑھیں: پاکستان میں آن لائن ویزا اور ویزا آن ارائیول کی سہولت متعارف

تیل کی چوری اور منشیات کی سرگرمیاں

تیل کے معاملے پر بات کرتے ہوئے جے ڈی وینس نے کہا کہ تقریباً 20 سال قبل وینزویلا نے امریکی آئل کمپنیوں کی ملکیت زبردستی ضبط کر لی اور طویل عرصے تک اسی “چوری شدہ” دولت سے فائدہ اٹھا کر منشیات سے جڑی دہشت گرد سرگرمیوں کو فنڈ کیا۔

یہ بھی پڑھیں: سہیل آفریدی سے امریکی قونصل جنرل کی ملاقات، سکیورٹی تعاون پر تبادلہ خیال

ناقدین کا جواب

انہوں نے ناقدین کو آڑے ہاتھوں لیتے ہوئے کہا کہ اگر کوئی کمیونسٹ حکومت ہمارے خطے میں ہماری املاک چھین لے تو کیا امریکہ خاموش تماشائی بن کر بیٹھا رہے؟ "عظیم طاقتیں اس طرح کا رویہ اختیار نہیں کرتیں۔”

امریکہ کی عظمت کی بحالی

آخر میں نائب صدر نے زور دے کر کہا کہ صدر ٹرمپ کی قیادت میں امریکہ ایک بار پھر ایک عظیم طاقت بن چکا ہے اور دنیا کو یہ پیغام واضح طور پر سمجھ لینا چاہیے۔